ءازىمباي عالي: ورىستارعا «سەنىڭ ۇلتىڭ – قازاق، تەگىڭ – ورىس» دەيتىن بولامىز

" ... باياعىدا مينيسترلىكتە وتىرعان ءبىر دوسىم ماعان: «ءازىمباي، ءتىل ماسەلەسىن ساياسيلاندىرۋدىڭ قاجەتى جوق. ءتىل ماسەلەسى سوزدىك پەن وقۋلىقتىڭ ماسەلەسى» دەگەن. راس، سوزدىك پەن وقۋلىق كەرەك. بىراق ولار ماسەلەنىڭ 30 پايىزىن عانا قامتي الادى. دەمەك، مۇندا مەملەكەتتىڭ كۇشى كەرەك. اكىمشىلىكتىڭ پارمەنى كەرەك. باياعىدا سوزدىك بولدى ما؟ مىسالى، XIX عاسىردا. قازاقستانداعى ورىستار تۇگەل قازاقشا سويلەي باستاعان. ولار سول كۇيى قازاق بوپ كەتەر ەدى پاتشا ۇكىمەتى ولاردى كۇشتەپ ساقتاماعاندا. ءبىز ءوزىمىز دە كۋامىز. مەنىڭ بەس جاسىمدا كورشىمىز ورىستار بولعان. اكە-شەشەسى بالالارىمەن قازاقشا سويلەسەتىن. ويتكەنى بالالارى تولىق تۇسىنبەيتىن ورىس ءتىلىن. ويتكەنى بىزبەن وينايتىن. سوندىقتان ءتىل ماسەلەسىن، وتارسىزداندىرۋ ماسەلەسىن ساياساتتاندىرۋ كەرەك. ونى بيلىككە كەلۋدىڭ قۇرالى ەتۋ كەرەك. مىسالى، قازاق ماسەلەسىن كوتەرىپ، قازاقشا سويلەمەگەن بيلىككە كەلە المايتىنداي بولۋى كەرەك. سونى ۇعىندىرعاندا عانا ىشكى قاجەتتىلىك، قازاق ءتىلىن بىلۋگە دەگەن قاجەتتىلىك كۇشەيە تۇسەدى.

ءبىز جالپى، قازىر ساياسي اسسيميلياتسيانى اياقتادىق. قازاقستان ەگەمەن ەل بولعاندا بۇل ەلدىڭ ازاماتتىعىن العىسى كەلمەگەندەر كەتىپ قالدى. ەندى ءبىز تىلدىك اسسيميلياتسيانى جۇرگىزۋىمىز كەرەك. قازاقشا سويلەتۋىمىز كەرەك ءبارىن. سوسىن ۇلتتىق اسسيميلياتسيانى جۇرگىزەمىز. ول كەزدە قازاقستاندىقتىڭ ءبارىن قازاق دەپ اتايتىن بولامىز. مىسالى، ورىستارعا «سەنىڭ ۇلتىڭ – قازاق، تەگىڭ – ورىس» دەيتىن بولامىز. ويتكەنى ول – زاڭدىلىك. رەسەيدىڭ ۇلتشىلدارىنىڭ ءبىرازى قازىر «تەگىم – ۋكراين»،« تەگىم – ەۆرەي» دەپ ءجۇر..."

باق-قا بەرگەن سۇحباتىنان.

«The Qazaq Times»