جازۋشىلار وداعى الاش ارىستارى مەن اشارشىلىق قۇرباندارىن ەسكە الدى

قازاقستان جازۋشىلار وداعىنىڭ ۇيىمداستىرۋىمەن Əدەبيەتشىلەر ۇيىندە الاش ارىستارى مەن اشارشىلىق قۇرباندارىنا ارنالعان "Əن - ءمىنəجات، جىر - دۇعا" اتتى رۋحاني كەش بولىپ ءوتتى. كەشتى بەلگىلى اقىن باقىت بەدەلحان جۇرگىزىپ وتىردى.
كەشكە قازاقستان جازۋشىلار وداعىنىڭ باسقارما توراعاسى ۇلىقبەك ەسدəۋلەت، قر ەڭبەك سىڭىرگەن قايراتكەرى، جازۋشى سماعۇل ەلۋباي، جازۋشى، دراماتۋرگ سوفى سماتاەۆ، بەلگىلى اقىن، حالىقارالىق "الاش" əدەبي سىيلىعىنىڭ يەگەرى جəركەن بودەشۇلى، بەلگىلى اقىن جاراس سəرسەك، الاشتانۋشى، جۋرناليست بولات ءمۇرسəلىم، ت.ب. تانىمال تۇلعالار قاتىستى.
ءبىرىنشى بوپ ءسوز سويلەگەن قازاقستان جازۋشىلار وداعىنىڭ باسقارما توراعاسى ۇلىقبەك ەسدəۋلەت "بۇل ءبىر جاعىنان جازىقسىز قۇربانداردى قاستەرلەۋ كۇنى بولسا، ءبىر جاعىنان سول كىسىلەردى ەسكە الىپ، ازا تۇتۋ كۇنى. قالاي بولعاندا دا وسى قاسيەتتى قارا شاڭىراق - جازۋشىلار وداعىنىڭ بولمەلەرىندە سول كىسىلەردىڭ تابانىنىڭ ءىزى، جۇتقان اۋاسى قالماسا دا، ءبəرىبىر رۋحى سۇيەپ، دەمەپ، قولداپ تۇرعانداي. ويتكەنى قازاقتىڭ سول ۇلكەن ارىستارىنىڭ ءبىرازى وسى جازۋشىلار وداعىن قۇرىسقان ادامدار.
سوۆەت وداعىنىڭ قىزىل تەررورىنىڭ جالعاسى رەتىندە "اسىرا سىلتەۋ بولماسىن، اشا تۇياق قالماسىن" دەپ اسىرا سىلتەپ، حالىقتى اشتىققا، قىرعىنعا ۇشىراتقانى، ودان بەرگى جىلداردا الاشتىڭ ارداقتى ارىستارىن شەتىنەن قۇرباندىققا شالعانى، جازىقسىز قۋعىن-سۇرگىنگە ۇشىراتقانى، حالىقتىڭ قايماقتارىن قالقىپ الىپ، قالعانىن تەنتىرەتىپ جىبەرگەندەي زوبالاڭ كۇيگە تۇسىرگەنى، ۇلتتىڭ تەڭ جارىمىن جەر بەتىنەن جويىپ جىبەرۋ، گەنوتسيد، ءəلى əلەمدىك تاريحتان ءوزىنىڭ باعاسىن الماعان بۇرىن-سوڭدى بولماعان قىرعىن كۇنى بەلگىلەنىپ، وسىنداي تاعزىم ەتەتىن، ەسكە الاتىن، ازا تۇتاتىن، ارداقتايتىن، قاستەرلەيتىن اتاۋلى كۇندى ارناعانىنىڭ وزىنە ءبىز ىشتەي شۇكىرشىلىك ەتەمىز", - دەدى.
كەزەكتى ءسوز العان جازۋشى سماعۇل ەلۋباي " رەسمي تۇردە "31 مامىر قۋعىن-سۇرگىن قۇرباندارىن ەسكە الۋ كۇنى" دەپ اتالدى. مەن وسىنىڭ اتاۋىنىڭ وزىندە ءبىر شيكىلىك بار ەكەنىن ايتقىم كەلەدى. اشارشىلىق - ەلۋ جىل بويى سوۆەت يدەولوگياسىن ۇركىتكەن ءسوز عوي. تəۋەلسىز قازاقستان تۇسىندا دا سول زاڭدى قابىلدايتىن كەشەنى كوممۋنيستەرىمىز ۇركىپ، اشارشىلىق دەگەن ءسوزدى الىپ تاستاعان بولاتىن. بۇل 1995 جىلى بولعان وقيعا. ءسويتىپ، قۋعىن-سۇرگىن قۇرباندارىن عانا قالدىردى. بۇل اشارشىلىقتان كەتكەن 4 ملن. حالىقتىڭ ارۋاعىنا جاسالعان قيانات بولدى. بۇل، مەنىڭشە، قايتا قارالۋعا ءتيىس. جəنە بۇل اپاتتىڭ اتى "اشارشىلىقتان قىرىلعان حالىقتىڭ جالپىۇلتتىق ازا تۇتۋ كۇنى" دەپ اتالۋى كەرەك، - دەدى.
الاشتانۋشى-جۋرناليست بولات ءمۇرسəلىم "ماعجاننىڭ ولەڭى بار عوي، "ساباتاەۆ ساتىلعان، كوشەدە ءجۇرىپ اتىلعان" دەگەن. سول ساتىلعان ساباتاەۆ وسى جەتىسۋ وڭىرىنەن شىققان الاشورداشى، الاشوردا ۇكىمەتىنىڭ مۇشەسى بولعان ازامات. سول كىسى جاركەنتتە وق ءتيىپ، قازا بولعان. ماعجاننىڭ بۇل ولەڭى تەگىن ولەڭ ەمەس. ويتكەنى سول كەزەڭدە قاي-قاي قازاقتىڭ زيالىسى بولسىن توتاليتارلىق جۇيەنىڭ ساقتاپ وتىرعان وعى بولعان. سوۆەت ۇكىمەتى ەڭ العاش قۇرىلعان كۇننەن باستاپ، قاندى ۇكىمەت بولاتىن. بيلىككە كەلۋىنىڭ ءوزى زاڭسىز، قاندى جولمەن كەلگەن. لەنين دە، ستالين دە سونىڭ ءبəرىن زاڭداستىرىپ وتىرعان.
قازاق زيالىلارىنىڭ اراسىنداعى توپتاسۋ، تەكەتىرەس - رەپرەسسيانىڭ باسى بۇل ەمەس ەدى. ول جاي عانا كەز كەلگەن حالىقتا بولاتىن وزدەرىنىڭ زيالىلارىنىڭ اراسىندا بولاتىن تەكەتىرەس قانا ەدى. ال ونىڭ ۇيىمداستىرۋشىسى - مəسكەۋ بولاتىن", - دەدى.
كەش بارىسىندا ەركىن شۇكىمان، سəۋلەجان سىندى əنشىلەر الاش ارىستارىنا ارنالعان əندەردى ورىنداسا، باقىت بەدەلحان، جاراس سəرسەك، باعدات مۇباراك سىندى اقىندار ولەڭدەرىن وقىدى.
كەش سوڭىندا قازاقستان جازۋشىلار وداعىنىڭ جاڭا مۇشەلەرى - مۇرات شايماران، سəكەن سىبانباي، جاڭىلحان اسىلبەكوۆا، ارداق نۇرعازى، دəۋرەن قۋات، قويشىبەك مۇباراك، دميتري يۆانوۆ، ىرىسبەك دəبەي، ەربولات تۇرسىنبەك، توقتارəلى تاڭجارىق، دارحان بەيسەنبەكۇلى، ماقسات رامازانۇلىنا كۋəلىك تابىستالدى.

“The Qazaq Times”