تۇركىمەنستاندا قىز-كەلىنشەكتەرگە تىرناق بوياپ، تىرىسقان كويلەك كيۋگە تيىم سالىندى

تۇركىمەنستاندا ايەلدەردىڭ سىرتقى كەلبەتتەرىنە ارنالعان جاڭا زاڭدار ەنگىزىلدى.

بۇدان بىلاي تۇرىكمەن ايەلدەرىنىڭ كويلەكتەرى وتە مول ەتىپ پىشىلەتىن بولدى. كويلەكتەرىنىڭ ەتەگى تەك اياق كيىمدەرى عانا كورىنىپ تۇراتىنداي ۇزىن، ال جەڭدەرى بىلەكتەرىن تۇگەلدەي جاۋىپ تۇرۋى ءتيىس.

وسىنداي زاڭ قابىلداعان تۇركىمەن شەنەۋنىكتەرى مۇنداي زاڭداردىڭ ەنگىزىلۋىن قازىرگى ۋاقىتتا تۇرىكمەن حالقىنىڭ تاريحي جانە مادەني داستۇرلەرىنىڭ اياق استى ەتىلىپ، جويىلىپ بارا جاتقاندىعىمەن تۇسىندىرەدى. تاربيەنىڭ باستى قۇرالى وقۋ وردالارى دەپ ەسەپتەگەن ولار، قاتاڭ ءتارتىپتى مۇعالىمدەر مەن تاربيەشىلەردىڭ كيىمدەرىنە قاتىستى زاڭداردى ەنگىزۋدەن باستاعان سياقتى. ەندىگى جەردە ەر مۇعالىمدەر وقۋ ورنىنا قارا كوستيۋم، اق جەيدە كيىپ، گالستۋك تاعۋعا مىندەتتەلگەن. ال قىز-كەلىنشەكتەر سارى بەدەرلى، قارا كويلەك كيەدى. ودان بولەك، ايەلدەرگە تىرناق پەن قاس بوياپ، كىرپىك جالعاپ، شاشتارىن اشىق تۇسكە بوياۋعا زاڭمەن تيىم سالىندى.

سونىمەن قاتار، پەداگوگتارعا ۇيلەنۋ تويلارى مەن مەرەكەلىك شارالار بولماسا، سەبەپسىزدەن-سەبەپسىز مەيرامحانالار مەن شاعىن دامحانالارعا باس سۇعۋعا رۇقسات جوق.

“The Qazaq Times”