فوتو: centralasian.org

اقش-تىڭ مەملەكەتتىك دەپارتامەنتى تءۇركىمەنستاندى "ەرەكشە الاڭداۋشىلىق تۋعىزاتىن ەلدەر" تىزىمىنە قوسۋدى ۇسىندى. بۇل تۋرالى اقش-تىڭ ءالەم ەلدەرىندەگى ءدىني سەنىم ەركىندىگى جءونىندەگى كوميسسياسىنا سىلتەمە جاساپ، (USCIRF) "ورتالىق ازيا حابار قىزمەتى" جازادى. 

USCIRF - اقش ۇكىمەتىنىڭ تاۋەلسىز كەڭەس بەرۋشى ورگانى. مەكەمە الەمدە ءدىن ەركىندىگىنىڭ ساقتالۋىنا باقىلاۋ جاساپ، اقش كونگرەسىنە، پرەزيدەنتىنە جانە مەملەكەتتىك حاتشىسىنا ساياسي كەڭەس بەرەدى. كوميسسيانىڭ 2016 جىلعا ارنالعان ەسەبى وتكەن اپتانىڭ سوڭىندا جاريالاندى.

ەسەپتە تۇركىمەنستان ۇكىمەتى ء"دىني ۇيىمدارعا تىركەۋگە قاتىستى قيىن تالاپتار قويىپ، ولاردىڭ قىزمەتىنە قاتاڭ باقىلاۋ جاسايدى، تىيىم سالادى جانە تىركەلمەگەن ۇيىمداردىڭ قىزمەتى ءۇشىن قاتاڭ جازالايدى" دەلىنگەن. سول سەبەپتى تۇركىمەنستاندى "ەرەكشە الاڭداۋشىلىق تۋعىزاتىن ەلدەر قاتارىنا قوسۋ" ۇسىنىلعان.

اتاپ ايتقاندا، كوميسسيا اقش بيلىگىنە تۇركىمەنستان ۇكىمەتىنە قىسىم كورسەتۋ ارقىلى، ەلدەگى ار-ۇجدان تۇتقىندارىن بوساتۋدى تالاپ ەتۋىن كەڭەس رەتىندە ۇسىندى.

تۇركىمەنستاندا ونداعان ادام ءدىني ايىپتارمەن تۇرمەلەلەردە وتىر. ادەتتە مۇنداي سوتتالۋشىلارعا تۋعان-تۋىستارى جىبەرىلمەيدى، ولاردىڭ تەمىر تورداعى تاعدىرى تۋرالى ەشتەمە بەلگىسىز. بۇعان قوسا، تۇركىمەنستان تۇرمەلەرىندە ونداعان ساياسي تۇتقىن وتىر، ولاردىڭ ازاپپەن ولگەنى تۇرمەدەن ءولى دەنەسى شىعارىلعاندا عانا بەلگىلى بولادى.

“The Qazaq Times”