دۇنيەجۇزىلىك ساياحاتتار سايتى TripAdvisor «ەير استانانى» Travelers’ Choice Awards 2019 سىيلىعىنىڭ «ايماقتىق ازيا تاسىمالداۋشىسى» جانە «ازياداعى جولاۋشى جايلىلىعى» ساناتتارىنىڭ جەڭىمپازى دەپ مويىندادى.
ساياحاتتاۋشىلار بورتتاعى قىزمەت كورسەتۋدى، سالونداعى تازالىقتى، تاماق پەن سۋسىنداردى، كرەسلو جايلىلىعىن، كرەسلو اراسىنداعى قاشىقتىعىن، باعا مەن ساپانىڭ ۇزدىك ارا قاتىسىن، تىركەۋدى جانە كومپانيانىڭ ويىن-cاۋىق جۇيەسىن جوعارى باعالاعان. ۇزدىك تاسىمالداۋشىلار 2018 جىلى الەم بويىنشا كورسەتىلگەن رەيتينگ پەن پىكىرلەر سانى جانە ساپاسىن ەسكەرەتىن الگوريتم بويىنشا انىقتالعان.
ء"بىزدىڭ اۋەكومپانيا سەرۆيستىڭ ەڭ جوعارعى ستاندارتتارىنا ۇزدىكسىز ۇمتىلادى، جانە «ەير استانا» وسى ماراپاتتىڭ يەگەرى بولعانىنا قۋانىشتىمىز، - دەدى كومپانيا پرەزيدەنتى پيتەر فوستەر. TripAdvisor سايتىندا ءبىزدىڭ رەيسپەن ۇشقاننان كەيىن پىكىر قالدىرعان ءاربىر جولاۋشىمىزعا شىن جۇرەكتەن العىس ايتقىم كەلەدى جانە ودان ارعى قولداۋىنا سەنىمدىمىن", - دەپ اتاپ ءوتتى ول.
ايتا كەتەيىك، Travelers’ Choice Awards ماراپاتى ازيا، ەۋروپا، سولتۇستىك امەريكا، لاتىن امەريكا، وڭتۇستىك-تىنىق مۇحيت ايماعى جانە وكەانيا، جانە تاياۋ شىعىس ايماقتاعى اۋەكومپانيالارعا بەرىلەدى. ماراپات قىزمەت كورسەتۋدىڭ 4 كلاسى بويىنشا انىقتالادى: حالىقارالىق ءبىرىنشى كلاسس، بيزنەس-كلاسس، پرەميۋم ەكونوم-كلاسس جانە ەكونوم-كلاسس.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى