بەيسەنبى، 23 تامىزدا باتىستىق ەكى بىردەي ءىرى اۆياكومپانيا  يرانمەن اۋەقاتىناسىن توقتاتاتاتىندىقتارىن مالىمدەدى. بۇل تۋرالى فرانتسيالىق «20minutes.fr» اگەنتتىگى حابارلايدى.

ەۋروپاداعى ءىرى اۆياكومپانيالاردىڭ ءبىرى فرانكو-گوللانديالىق «Air France KLM» كوممەرتسيالىق سەبەپتەرگە بايلانىستى تەھرانعا (تەگەرانعا) اۋە رەيستەرىن توقتاتاتىنىن مالىمدەگەن. كومپانيا وكىلدەرىنىڭ مالىمەتىنشە،  «Air France» ەكونوميكالىق تومەن كورسەتكىشتەردىڭ كەسىرىنەن 18 قىركۇيەكتەن باستاپ ۇشۋ كەستەلەرىن جويماق. ودان بولەك، بريتانيالىق «British Airways» اۋەكومپانياسى دا لوندون مەن تەھران اراسىنداعى اۋە قاتىناستارىن توقتاتۋعا نيەتتى ەكەنىن حابارلاعان. اتالعان كومپانيا ۇشاقتارىنىڭ لوندوننان شىعاتىن سوڭعى رەيسى 22 قىركۇيەكتەن سوڭ، ال تەھراننان 23 قىركۇيەكتەن سوڭ توقتاتىلادى. «British Airways» اۋەكومپانياسىنىڭ مارشرۋتى 2015 جىلى يران مەن باستىستىق دەرجاۆالاردىڭ اراسىنداعى ىنتىماقتاستىق تۋرالى كەلىسىمشارتتان كەيىن جاڭارتىلعان ەدى. الايدا، وسىدان ءۇش اي بۇرىن اقش پرەزيدەنتى دونالد ترامپ ۋاشينگتوننىڭ وسى كەلىسىمشارتتان شىعاتىنىن حابارلاعان بولاتىن. ءارى، يران مەن ونىمەن سەرىكتەس كومپانيالارعا قوسىمشا سانكتسيالار سالدى. وسى جاعدايدان كەيىن، ەكونوميكالىق سەبەپتەرگە بايلانىستى ۇشۋ رەيستەرىنەن باس تارتقان باتىستىق اۋەكومپانيالاردىڭ بۇل ارەكەتتەرى يران ءۇشىن تاعى دا ۇلكەن سوققى بولىپ وتىر.

“The Qazaq Times”