ەۋروپانىڭ ورتالىق بانك كەلەسى ايدا جانە قىركۇيەكتە پايىزدىق مولشەرلەمەنى جوعارلاتپاق. بۇل ارەكەتتى پاندەميادان كەيىن ەكونوميكانى قولداۋدان، ينفلياتسيانى قىسقارتۋ ساياساتىنا وتكەن الەمنىڭ وزگە ءىرى بانكتەرىنە تەڭەسۋ ماقساتىندا جاساپ وتىر. وسىلايشا ەوب سوڭعى 11 جىلدا العاش رەت پايىزدىق مولشەرلەمەنى جوعارلاتقالى وتىر.
ەوب-نىڭ 25 مۇشەسى امستەردامدا باس قوسىپ وسى ماسەلەنى قىزۋ تالقىلادى. ولار ەو ەكونوميكاسىن العا سۇيرەۋشى 19 ەلدە ينفلياتسيانىڭ بارعان سايىن ءوسىپ بارا جاتقانىنا نازار اۋدارعان. ەوب ينفلياتسيانىڭ بولجالدى كورسەتكىشى 2 پايىز بولادى دەپ بولجاعان ەدى، تۇتىنۋ باعاسىنىڭ يندەكسى مامىردا 8,1% بولىپ، جاڭا ەڭ جوعارى دەڭگەيگە جەتتى.
ۇزاق جىلدىق تومەن وسىمدىك مولشەرلەمەنى ساقتاپ كەلگەن ەوب كۇنى كەشە بەتبۇرىستى قادام جاسادى. قازىرگى كەزدە ەۋروپانىڭ ەكونوميكالىق ءوسىمى بولجالدى كورسەتكىشى تومەندەيدى دەگەن قاۋىپ تە بار. سەبەبى، پاندەميادان كەيىن ەندى عانا تىنىس الا باستاعان ەۋروپالىق ەكونوميكاعا رەسەيدىڭ ۋكرايناعا شابۋىل جاساۋى وزىندىك كەرى اسەرىن تيگىزۋدە. اسىرەسە، ەنەرگيا تارماعى رەسەيگە بايلانعان ەۋروپا ءۇشىن سوعىستىڭ زاردابى باسقاشا.
«سوعىس ساۋدانى بۇزىپ، ماتەريالدار تاپشىلىعىن، ەنەرگيا مەن شيكىزات باعاسىنىڭ شارىقتاۋىن تۋدىرۋدا»، – دەگەن ەوب پرەزيدەنتى كريستين لاگارد جۋرناليستەرگە.
ەوب پايىزدىق مولشەرلەمەلەردى كوتەرۋدەن بۇرىن ەكونوميكانى كوتەرگەن وبليگاتسيالاردى ساتىپ الۋدى اياقتاپ الۋدى جوسپارلاۋدا. ودان كەيىن ينفلياتسيا دەڭگەيىن باقىلاي وتىرىپ، قىركۇيەك ايىندا ەكىنشى رەت جوعارلاتۋ مۇمكىن. پايىزدىق مولشەرلەمە 25 پايىزعا دەيىن جوعارلاتۋ كوزدەلگەن.
ەستەرىڭىزدە بولسا، مامىردىڭ باس شەنىندە اقش-تىڭ فەدەرالدى رەزەرۆتىك جۇيەسى ەتالوندىق پايىزدىق مولشەرلەمەسىن 50 بازيستىك تارماققا كوتەردى. بۇل سوڭعى شەك ەمەس ەكەنى تاعى بار. ال، اعىلشىندار بىلتىر جىل سوڭىنان بەرى ستاۆكانى ءتورت رەت كوتەردى.
ورتالىق بانكتەر نەگە مۇنداي شارالار قابىلدايدى؟ ەتالوندىق مولشەرلەمەنى كوتەرۋ ارقىلى بانكتەر قارجى ينستيتۋتتارىنا، كومپانيالارعا، تۇتىنۋشىلارعا جانە ۇكىمەتتەرگە قاجەتتى اقشانى قارىزعا الۋ ءۇشىن قانشا تولەۋگە تۋرا كەلەتىنىنە ناقتى بەلگىلمە ورناتا الادى. سوندىقتان پايىزدىق مولشەرلەمەنى جوعارلاتۋ بىر مەزگىل جوعارى تەمپەراتۋراداعى ەكونوميكانى سالقىنداتۋ ءرولىن اتقارادى.
دەگەنمەن، جوعارى پايىزدىق مولشەرلەمەلەر ەكونوميكالىق وسۋگە كەرى اسەر ەتۋى دە مۇمكىن. سوندىقتان ورتالىق بانكتەر جوعارى ينفلياتسيانى تەجەۋ مەن ەكونوميكالىق بەلسەندىلىككە نۇقسان كەلتىرمەۋ اراسىندا نازىك تەپە-تەڭدىكتى ساقتاۋى ءتيىس.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى