فوتو: سقو ءباسپاسوز قىزمەتى

سولتۇستىك قازاقستان وبلىستىق ءبىلىم باسقارماسىنىڭ كەڭەيتىلگەن القا وتىرىسىندا ايماق باسشىسى  قۇمار اقساقالوۆ اگرارلى ايماقتا اۋىل شارۋاشىلىعى باعىتىنداعى فاكۋلتەتتىڭ جوق ەكەنىن ايتتى، دەپ حابارلايدى وبلىس اكىمدىگىنىڭ ءباسپاسوز قىزمەتى. 

«اگرارلىق ايماقتا اۋىل شارۋاشىلىعى سالاسى ماماندارىن دايىندايتىن فاكۋلتەت جوق. ءبىزدىڭ بالالار كوكشەتاۋ، قوستاناي جانە استاناعا بارىپ وقىپ ءجۇر. كەرىسىنشە، بىزدە وقۋ كەرەك، باسقا وڭىرلەردەن ءبىزدىڭ ۋنيۆەرسيتەتكە كەلىپ ءبىلىم الۋ كەرەك قوي. بۇندا جەر قۇنارلى، تيىسىنشە، ۇزدىك ماماندار جانە عالىمدار، تەحنولوگيالار ءبىزدىڭ وڭىردەن شىعۋ كەرەك. قازىر ۋنيۆەرسيتەت باسشىلىعى الدىندا وسىنداي مىندەت تۇر. ءبىز قازىر اۋىل شارۋاشىلىعى مينيسترلىگىمەن وسى باعىتتا جۇمىس جاساپ جاتىرمىز»، - دەدى قۇمار اقساقالوۆ.

سقمۋ-دە مەديتسينالىق فاكۋلتەت تە قۇرىلىپ جاتىر. پەداگوگيكا سالاسىندا مامانداردىڭ تاپشىلىعىن جويۋ ماقساتىندا وبلىستىق بيۋدجەتتەن قارجى ءبولىنىپ، 75 گرانت تاعايىندالدى.

وبلىس اكىمى «سەرپىن» باعدارلاماسى بويىنشا ءبىلىم الىپ جاتقان ستۋدەنتتەرگە قولداۋ كورسەتىپ،  بارلىعىن جۇمىسپەن قامتۋدى تاپسىردى. قازىر ۋنيۆەرسيتەتتە 127 قىز-جىگىت وقۋلارىن تامامداۋعا جاقىن. كوللەدجدەردە بيىل 192 ستۋدەنت تۇلەك اتانادى.

“The Qazaq Times”