فوتو: Rgmedia.kz
2018 جىلدىڭ قاڭتار ايىندا مەديتسينالىق ساقتاندىرۋ قورىنىڭ ۇلتتىق بانكتەگى شوتىنا 6 ملرد تەڭگەگە جۋىق جارنا اۋدارىلدى، دەپ حابارلايدى مەديتسينالىق ساقتاندىرۋ قورىنىڭ ءباسپاسوز قىزمەتى. 

جالپى، جاڭا جۇيە ىسكە قوسىلعان 2017 جىلدىڭ شىلدەسىنەن قاڭتار ايىنىڭ سوڭىنا دەيىن تۇسكەن تۇسىمدەردىڭ جالپى كولەمى 38 ملرد تەڭگەنى قۇرادى.

ونىڭ ىشىندە، 31,3 ملرد تەڭگە (82,4%) جۇمىس بەرۋشىلەردىڭ اۋدارىمدارى بولسا، قالعان 6,7 ملرد تەڭگەگە جۋىق قارجى (شامامەن 17,6%) جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇلعالارعا تيەسىلى.

اۋماقتىق تۇرعىدان العاندا، جارنا تولەۋ جاعىنان الماتى مەن استانا قالالارى، سونداي-اق، قاراعاندى وبلىسى كوش باستاپ كەلەدى.

ايتا كەتەيىك، مىندەتتى الەۋمەتتىك مەديتسينالىق ساقتاندىرۋ جۇيەسى قازاقستاندا 2017 جىلدىڭ 1 شىلدەسىنەن باستاپ ىسكە قوسىلاعان. بۇل جۇيەنىڭ قوسىلۋىنا ساراپشىلار قارسىلىق تانىتقان ەدى. سونداي-اق، ەنتى قازاقستان پرەزيدەنتى نۇرسۇلتان نازارباەۆ مىندەتتى الەۋمەتتىك مەديتسينالىق ساقتاندىرۋ جۇيەسىندەگى كەمشىلىكتەرگە نازار اۋدارىپ، اتالعان جۇيەنى ەنگىزۋگە اسىقپاۋعا شاقىرعان ەدى.

 “The Qazaq Times”