مۇنايشىلار مەن مەتاللۋرگتەردىڭ جالاقىسى قانشا؟

2017 جىلى مۇناي سەكتورىندا جۇمىس ىستەيتىن جۇمىسشىلاردىڭ ورتاشا جالاقىسى 571,3 مىڭ تەڭگەنى قۇراعان. بۇل تۋرالى LS سايتى حابارلادى. 

سايتتىڭ مالىمەتىنشە، سەكتور جەتەكشىلەرى 2,5 ەسەگە جوعارى الادى. وتكەن جىلى توپ-مەنەدجەرلەردىڭ جالاقىسى شامامەن 1,4 ملن تەڭگەدەن اسقان. ال ارنايى ءبولىم جەتەكشىلەرىنىڭ جالاقسى ورتاشا ەسەپپەن 936,5 مىڭ تەڭگەنى قۇرايدى.

قاتارداعى قىزمەتكەرلەردىڭ جالاقىسى تومەن. مىسالى مۇنايدى ءوندىرۋ جونىندەگى ماستەردىڭ ورتاشا جالاقىسى - 587,7 مىڭ تەڭگەنى، گەولوگتاردىكى - 561,7 مىڭ تەڭگە، ينجەنەر-ەنەرگەتيكتەردىكى - 600,3 مىڭ تەڭگە، بۇرعىلاۋ جونىندەگى ينجەنەردىڭ جالاقسى - 854,1 مىڭ تەڭگە.

2017 جىلى مۇناي جانە گاز وندىرىسىمەن اينالىساتىن ينجەنەرلەردىڭ ورتاشا ايلىعى 646,6 مىڭ تەڭگە بولعان.  ۇڭعىمانى بۇرعىلاۋ جانە سىنالاۋشى ينجەنەرلەردىكى - 440 مىڭ تەڭگە، مۇنايگاز ونىمدەرىن ەكسپلۋاتاتسيالايتىن ينجەنەرلەردىكى - 187,8 مىڭ تەڭگە، ۇڭعىمانى بەكىتۋشى ينجەنەرلەردىكى - 1,8 ملن تەڭگە، ال گاز وبەكتىلەرىن پايدالانۋ جونىندەگى ينجەنەرلەردىكى - 496,7 مىڭ تەڭگەگە تەڭ.

تەحنيك-ماركشەيدەردىڭ جالاقىسى 177 مىڭ تەڭگە، بۇرعىلاۋ جونىندەگى تەحنيكتىڭ ەڭبەكاقىسى - 787,8 مىڭ تەڭگە. بۇرعىلاۋ ءبولىمىنىڭ بريگاديرى 846,3 مىڭ تەڭگە العان. ال ۇڭعىمانى كۇردەلى جوندەۋدەن وتكىزۋشى بۇرعىشىنىڭ ورتاشا ايلىعى 2017 جىلى  295,2 مىڭ تەڭگەگە جەتتى. مۇنايدى اعىزۋشى قىزمەتكەردىڭ جالاقىسى - 756,8 مىڭ تەڭگە.

ال مەتاللۋرگتەردىڭ ورتاشا جالاقىسىنا كەلەر بولساق، وتكەن جىلى ولار ورتاشا ەسەپپەن 198,2 مىڭ تەڭگە العان. سەكتور جەتەكشىلەرىنىڭ جالاقىسى 1,5 ملن  تەڭگەگە جەتەدى جانە بۇل ورتاشا ايلىقتان 7,5 ەسەگە كوپ بولىپ وتىر. ارنايى ءبولىم جەتەكشىلەرىنىڭ جالاقىسى ورتاشا كورسەتكىشتەن ەكى ەسە جوعارى نەمەسە 437,6 مىڭ تەڭگەدەن اسادى.

2017 جىلى باس مەتاللۋرگتىڭ ورتاشا جالاقىسى - 1,6 ملن تەڭگە، تسەح ماستەرىنىكى - 213,1 مىڭ تەڭگە بولعان. اۋىسىم باسشىسى وتكەن جىلى 229,5 مىڭ تەڭگە، تسەح باسشىسى 383,7 مىڭ تەڭگە جالاقى العان.

“The Qazaq Times”