فوتو: كازينفورم

حالىق بانك پەن قازكوممەرتسبانكتىڭ ەنشىلەس بانكتەرى دە بىرىگەدى. بۇل تۋرالى KASE-ءنىڭ رەسمي سايتىندا حابارلاندى. 

"كازكوممەرتسبانك" اق ءوزىنىڭ ديرەكتورلار كەڭەسى "نبك-بانك" اكتسيونەرلىك قوعامىن قوسۋ تۇرىندە "موسكوممەرتسبانكتى" كب (اق) قايتا ۇيىمداستىرۋ بويىنشا شەشىم قابىلداعانى تۋرالى حابارلادى",، - دەلىنگەن حابارلامادا.

ايتا كەتەيىك، موسكوممەرتسبانك قازكومنىڭ ەنشىلەس بانكى رەتىندە 2001 جىلى قۇرىلعان. بانكتىڭ باستى قىزمەتى -  شاعىن جانە ورتا بيزنەس كاسىپورىندارىن، كورپوراتيۆتىك سەكتوردى نەسيەلەندىرۋ، بانك كەپىلدىكتەرىن شىعارۋ.

ال "نبك-بانك" اق 1996 جىلى قۇرىلىپ، ول كەزدە "حلەبنىي" اقب دەپ اتالعان. قارجى ينستيتۋتىنىڭ باس كەڭسەسى ماسكەۋدە ورنالاسقان. 2004 جىلى "قازاقستاننىڭ حالىق بانكى" اق اتالعان بانكتىڭ اكتسيونەرى بولىپ، كەيىننەن حالىق بانكتىڭ ەنشىلەسى بولادى. 2007 جىلى «نبك-بانك» ااق اتىنا اۋىستىرىلادى. 2017 جىلى ۇيىمدىق-قۇقىقتىق فورماسى اشىق اكتسيونەرلىك قوعامنان "نبك-بانك" اكتسيونەرلىك قوعامى دەپ وزگەرتىلەدى.

ايتا كەتەيىك، بۇعان دەيىن حالىق بانكتىڭ ديرەكتورلار كەڭەسى Qazkom-دى حالىق بانكىگە قوسۋ ارقىلى قوس بانكتىڭ بىرىگۋ جوباسىن ماقۇلداعان ەدى. حالىق بانك پەن Qazkom-نىڭ ينتەگراتسياسى ءتيىستى پروتسەدۋرالار ءىس-جۇزىنە اسقان سوڭ جانە  باقىلاۋشى تاراپىنان كەلىسىم الىنعاننان كەيىن كەزەڭ-كەزەڭمەن ءىس-جۇزىنە اساتىن بولادى.

“The Qazaq Times”