2018 جىلى قازاقستان حالىق بانكى اق-تىڭ تازا كىرىسى 46,7 پايىزعا ءوستى. بۇل تۋرالى بۇگىن الماتىدا وتكەن بانكتىڭ ءباسپاسوز كونفەرەنتسياسىندا قازاقستان حالىق بانكى باسقارما ءتورايىمى ءۇمىت شاياحمەتوۆا ايتتى.
"وتكەن جىلى حالىق بانك پەن كازكوم بانكتەرىنىڭ بىرىگۋلەرى ءساتتى اياقتالدى. سالدارىنان ءبىراز تەحنيكالىق ماسەلەلەر ورىن العان بولادى. الايدا، بۇل پروتسەس ايتىپ وتكەن ءساتتى اياقتالدى. قازىر ول نارىقتىڭ ۇشتەن ءبىر بولىگىنەن ارتىق ۇلەسكە يە. 2018 جىلدىڭ ون ەكى ايىندا قازاقستان حالىق بانكى اق-تىڭ تازا كىرىسى نەگىزىنەن پايىزدىق جانە كوميسسيالىق كىرىستەر ءوسۋى ەسەبەبىنەن 46,7 پايىزعا ءوسىپ، 254, 238 ملرد تەڭگەنى قۇرادى. ال 2018 جىلدىڭ قورىتىندىسى بويىنشا، تازا پايىزدىق مارجا 2017 جىلعى 4,9 پايىزدان جىلدىعى 5,1 پايىزعا ءوستى", - دەدى ول.
سونداي-اق، باسقارما ءتورايىمى وسى جىلدىڭ ءساۋىر ايىندا حالىق بانكى وزبەكستاندا ەنشىلەس بانك اشۋ تۋرالى ليتسەنزيا الۋدى جوسپارلاپ وتىرعانىن اتاپ ءوتتى.
«بيىلعى جىلدىڭ ءساۋىر ايىندا ءبىز بانكتىڭ ەنشىلەس كومپانياسىن وزبەكستاندا اشۋ ءۇشىن تولىق ليتسەنزيانى كۇتىپ وتىرمىز. اتالعان ەنشىلەس بانكتىڭ عيماراتى ورنالاساتىن جەردى دە تاڭداپ قويدىق. وزبەكستان ءبىزدىڭ بانك قىزمەت كورسەتەتىن التىنشى ەل بولماق. تاعى ءبىر ايتا كەتەتىن جايت، بانك العاشقىدا تەك زاڭدى تۇلعالارعا عانا قىزمەت ەتەدى، كەيىن جىلدىڭ سوڭىنا قاراي جەكە تۇلعالارعا دا قىزمەت كورسەتە باستايدى »، - دەدى ءۇمىت شاياحمەتوۆا.
بۇدان سوڭ، اتالعان بانك وزبەكستانداعى ەنشىلەس بانكى بار العاشقى قازاقستاندىق بانك بولادى. بۇگىنگى تاڭدا، حالىق بانك تمد ەلدەرىنىڭ ىشىندە قىرعىزستاندا، رەسەيدە، تاجىكستاندا، سونىمەن بىرگە گرۋزيادا دا قىزمەت كورسەتەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟