تالاس وبلىسىنىڭ حالقى اتامباەۆقا ۋلتيماتۋم قويدى (ۆيدەو)

تالاس وبلىسىنىڭ حالقى قىرعىزستان پرەزيدەنتى المازبەك اتامباەۆقا ەلدەن كەشىرىم سۇراۋعا 3 قاراشاعا دەيىن ۋاقىت بەردى.  

قازان ايىنىڭ 29-ى كۇنى تالاس قالاسىنىڭ ورتالىعىندا 1000-عا جۋىق ادام "المازبەك اتامباەۆ پرەزيدەنت سايلاۋى كەزىندە ايتقان سوزدەرى ءۇشىن وبلىس حالقىنان كەشىرىم سۇراسىن" دەپ بەيبىت شەرۋ وتكىزگەن. ولاردىڭ سوزىنشە، اتامباەۆ سايلاۋ كەزىندە جاساعان مالىمدەمەلەرى ارقىلى تالاس وبلىسىنىڭ حالقىنا ءتىل تيگىزىپ قانا قويماي، وسى ارەكەتى ارقىلى قازاق-قىرعىز شەكاراسىنىڭ جابىلۋىنا سەبەپشى بولعان. وسىعان بايلانىستى وبلىس حالقى اتامباەۆقا 3 قاراشاعا دەيىن ۋاقىت بەرگەن. ەگەر ەل پرەزيدەنتى بەلگىلەنگەن ۋاقىتقا دەيىن كەشىرىم سۇراماسا، قازاق-قىرعىز شەكاراسىنداعى جاعدايدى شەشپەسە، قىتايدان كەلەتىن تاۋارلاردىڭ نە ءۇشىن رەسمي ستاتيستيكادان ءۇش ەسەگە كوپ ەكەندىگىن تۇسىندىرمەسە، وندا وبلىس حالقى بەيبىت شەرۋگە شىعاتىنىن ايتقان. بىراق رەسمي بىشكەك تالاس وبلىسىندا بولىپ جاتقان بۇل جاعدايلارعا مۇلدە كوڭىل اۋدارماعان. ءتىپتى قىرعىز پرەزيدەنتىنىڭ اكىمشىلىگى اتالمىش شەرۋ وتكەن كۇننىڭ ەرتەڭىندە المازبەك اتامباەۆتىڭ كەزەكتى ەڭبەك دەمالىسىنا كەتكەندىگى جايىندا اقپارات تاراتقان.

ەستەرىڭىزگە سالايىق، بۇعان دەيىن تالاس وبلىسىنىڭ اقساقالدارى بىشكەك قالاسىندا بىتىمگەرشىلىك دەلەگاتسياسىن باستاپ بارعان بولاتىن. وندا ولار المازبەك اتامباەۆتان ەل حالقىنان كەشىرىم سۇراۋىن تالاپ ەتكەن. بىراق ول كەزدە دە اتامباەۆ تالاس حالقىنىڭ بۇل سوزىنە قۇلاق اسپاعان ەدى.

جالپى تالاس وبلىسى قىرعىزستان تاريحىندا ۇلكەن رولگە يە. سەبەبى 2010 جىلى ءساۋىر رەۆوليۋتسياسى مەن قۇرمانبەك باكيەۆ كلانىنا قارسى باس كوتەرۋلەر ءدال وسى وبلىستا باستالعان بولاتىن.

“The Qazaq Times”