وڭ. كورەيانىڭ قارجى ءمينيسترى كيم دوڭ يون. فوتو: WSJ.

وڭتۇستىك كورەيانىڭ قارجى ءمينيسترى كيم دوڭ يون بەيسەنبى كۇنى ءباسپاسوز ءماجىلىسى كەزىندە، وڭتۇستىك كورەيانىڭ اقش پەن قىتاي سىندى ەكى ءىرى ساۋدا ارىپتەستەرىمەن ەكونوميكالىق كەلىسپەۋشىلىكتى شەشۋگە تىرىسىپ جاتقانىن ايتتى. سونىمەن بىرگە، اقش پەن قىتاي سىندى ەكى ءىرى ەلگە ساۋدا-ەكونوميكالىق تاۋەلدىلىكتەن قۇتىلۋعا تىرىساتىنىن مالىمدەدى. بۇل تۋرالى «ۋاشينگتون پوست» باسىلىمى جازدى.

كيم دوڭ يون سوزىندە وڭتۇستىك كورەيا قازىرگى كەزدەگى گەوساياسي جاعدايلارعا بايلانىستى ساۋدا-ەكونوميكادا «قولشاتىر» الىپ ءجۇرۋى كەرەك دەگەندەي مىسال كەلتىردى. سەبەبى، كورەي تۇبەگىندەگى اۋمالى-توكپەلى جاعداي بەينە قۇبىلمالى اۋا رايىنا ۇقسايتىنىن ايتتى.

ول سوڭعى ۋاقىتتاعى اقش پەن وڭتۇستىك كورەيا اراسىنداعى ساۋدا-ساتتىقتىڭ تۇراقسىزدىعىنان قاتتى الاڭداپ كەتپەۋدى ايتتى. ونىڭ سوزىنە سەنەر بولساق، اقش تارابى وڭتۇستىك كورەيانىڭ ەكونوميكاسىنىڭ بولاشاعىنان الاڭداپ، ساۋدا-ساتتىقتا ساقتىق تانىتىپ وتىر. الايدا ول جىل باسىنان بەرى اقش پەن كورەيا اراسىنداعى ساۋدا تاپشىلىعىنىڭ 30 پايىزعا قىسقارعانىن العا تارتتى.

كورەي تۇبەگىنىڭ ساياسي جاعدايى قارقىندى وڭتۇستىك كورەيا ەكونوميكاسىنا اسەر ەتۋدە. قازىر وڭتۇستىك كورەيامەن ساۋدا ىنتىماقتاستىعىنا تولىقتاي قىزىعۋشىلىق تانىتىپ وتىرعان كەمدە كەم. سونىڭ باستىسى قىتاي مەن اقش. دەگەنمەن، وڭتۇستىك كورەيا ۇكىمەتى ساۋدا-ساتتىق ىستەرىندە اتالعان ەكى سەرىكتەسكە تاۋەلدى بولۋدان ارىلۋعا كۇش سالىپ وتىر.

“The Qazaq Times”