جاسىل كليمات قورى (GCF) ەۋروپالىق قايتا قۇرۋ جانە دامۋ بانكىنىڭ (ەقدب) نەگىزدەمە باعدارلاماسى ارقىلى جاڭارتىلاتىن ەنەرگيا كوزدەرىنە قاتىستى جوبالاردى ىسكە اسىرۋ ءۇشىن قازاقستانعا 110 ملن دوللار كولەمىندە قارجى بەرەدى. بۇل تۋرالى قر ەنەرگەتيكا مينيسترلىگىنىڭ ءباسپاسوز قىزمەتى حابارلادى. 

GCF-ءتىڭ بۇل سالىمىنىڭ 106 ملن دوللارى جەڭىلدىكپەن قارجىلاندىرۋ بويىنشا، 4 ملن دوللارى گرانت تۇرىندە تەحنيكالىق كومەك كورسەتۋ ءۇشىن بەرىلەدى.

جوبالار قازاقستان ۇكىمەتىنىڭ «جاسىل ەكونوميكاعا» كوشۋىنە كومەك كورسەتۋگە، سونىڭ ىشىندە جاڭارتىلاتىن ەنەرگيا كوزدەرىنىڭ ينتەگراتسياسىن مودەرنيزاتسيالاۋعا، كۇن، جەل ەنەرگيالارىن دامىتۋعا باعىتتالادى.

جاسىل كليمات قورى 124 ەل ۇكىمەتتەرىنىڭ باستاماسىمەن دامۋشى ەلدەردە پارنيكتىك گازداردىڭ شىعۋىن شەكتەۋ جانە قىسقارتۋ، سونداي-اق كليماتتىڭ وزگەرۋىنە بەيىمدەلۋگە كومەك كورسەتۋ ءۇشىن قۇرىلعان.

“The Qazaq Times”