Foto: xsreality.org

Jasıl klimat qorı (GCF) Europalıq qayta qwru jäne damu bankiniñ (EQDB) negizdeme bağdarlaması arqılı jañartılatın energiya közderine qatıstı jobalardı iske asıru üşin Qazaqstanğa 110 mln dollar köleminde qarjı beredi. Bwl turalı QR Energetika ministrliginiñ baspasöz qızmeti habarladı. 

GCF-tiñ bwl salımınıñ 106 mln dolları jeñildikpen qarjılandıru boyınşa, 4 mln dolları grant türinde tehnikalıq kömek körsetu üşin beriledi.

Jobalar Qazaqstan Ükimetiniñ «jasıl ekonomikağa» köşuine kömek körsetuge, sonıñ işinde jañartılatın energiya közderiniñ integraciyasın modernizaciyalauğa, kün, jel energiyaların damıtuğa bağıttaladı.

Jasıl klimat qorı 124 el ükimetteriniñ bastamasımen damuşı elderde parniktik gazdardıñ şığuın şekteu jäne qısqartu, sonday-aq klimattıñ özgeruine beyimdeluge kömek körsetu üşin qwrılğan.

“The Qazaq Times”