باسپانالى بولۋ ءار قازاقتىڭ ارمانى، كەيبىرىنىڭ ماقساتى. الايدا، قۋ تىرلىكتىڭ قامىتىن كيگەندەر مۇنىڭ سونشالىقتىڭ اۋىر ەكەندىگىن سەزىنەدى.

قازىرگى تاڭدا مەملەكەتتىك باعدارلامالار مەن ءتۇرلى يپوتەكالىق جولدار ارقىلى حالىقتىڭ باسىم بولىگى ءۇي العىسى كەلەدى. بىراق، ونىڭ الدىڭعى بەرەشەگى مەن ارى قاراي تولەي مەرزىمى تىم قيىن ەكەندىگى كوڭىل كونشىتەدى.

ءتىپتى، ۇلتتىق ەكونوميكا ءمينيسترى تيمۋر سۇلەيمەنوۆتىڭ ءوزى 10 جىلعا العان يپوتەكاسىن بىلتىر تولىقتاي تولەپ بولعاندىعىن جەتكىزدى. قارجىسى كوپ مينيسترلەرگە يپوتەكا تولەۋ اۋىر بولسا، وندا قاراپايىم حالىققا مۇنىڭ وڭايعا سوقپايتىندىعى بەلگىلى.

سەناتتا وتكەن دوڭگەلەك ۇستەل بارىسىندا، سۇلەيمەنوۆ باسپانالى بولۋ ءار قازاقستاندىقتىڭ مەنتاليتەتىندە بار ەكەندىگىن العا تارتىپ: «نەسيەنى تولەۋدىڭ ورتاسىنا كەلگەندە پسيحولوگيالىق تۇرعىدان شارشاپ قالاسىڭ، تابىستىڭ ءبىراز بولىگىن يپوتەكاعا تولەۋ كەرەكسىڭ. ەڭبەك موبيلدىلىگىن ەسكەرسەك، بۇگىن سەن اتىراۋداسىڭ، ەرتەڭ پاۆلوداردا، سوسىن الماتىدا بولاسىڭ" دەپ ءوزىنىڭ قيىندىققا تاپ بولعاندىعىن دا جاسىرماي ايتقان. سونىمەن قاتار، «ءۇيدىڭ ساپالى سالىنعانىنا قاراۋ كەرەك، دىبىس وتكىزبەيتىن بولۋى ءتيىس. سول سەبەپتى باسپانا العاندا تەك يپوتەكا باعاسىنا قاراماۋ كەرەك»، - دەپ كەڭەسىن بەردى.

ەكونوميكا ءمينيسترى مۇنداي مالىمدەمە جاساسا، قاراپايىم قازاقتىڭ قانداي كۇي كەشىپ جاتقاندىعىن ايتپاي-اق قويعان ءجون بولار...

"The Qazaq Times"