پاريجگە بارعان تۋريستەردىڭ سانى رەكوردتىق كورسەتكىشكە جەتكەن

فرانتسيانىڭ پاريج قالاسىنا جانە قالانىڭ شەتكى وڭىرلەرىنە كەلگەن تۋريستەردىڭ سانى سوڭعى ون جىلداعى ەڭ جوعارعى كورسەتكىشكە جەتىپ، 16,4 ملن ادامدى قۇراعان. بۇل تۋرالى يل-دە-فرانس تۋريزم كوميتەتى حابارلادى، دەپ جازدى  RNS.

2016 جىلدىڭ ءبىرىنشى جارتى جىلدىعىمەن سالىستىرعاندا كەلگەن تۋريستەردىڭ سانى 10 پايىزعا كوبەيگەن. ال سىرتتان كەلگەندەردىڭ كورسەتكىشى 14,9 پايىزعا، ىشكى تۋريستەردىكى 6,4 پايىزعا كوبەيگەن. پاريجگە بارۋعا قىزىعۋشىلىق تانىتاتىنداردىڭ كوپشىلىگى امەريكالىقتار (1,14 ملن ادام) مەن بريتاندىقتار (908 مىڭ ادام).

پاريج قوناقۇيلەرىندەگى تۇرۋدىڭ ورتاشا باعاسى ەكونومكلاسس بويىنشا 87 ەۋرونى جانە پرەميۋم بويىنشا 228 ەۋرونى قۇراعان. ال قالا شەتىندەگى باعالار 64 جانە 168 ەۋرو شاماسىندا.

سونداي-اق، پاريجدەن تىس ايماقتا ەڭ كورنەكتى تۋريستىك ورىن ۆەرسال بولعان.

ايتا كەتەيىك، پاريجگە كەلگەن تۋريستەردىڭ سانى قازاقستان حالقىنىڭ سانىنا تەڭ دەۋگە بولادى. ال قازاقستاننىڭ مۇنداي كورسەتكىشكە جەتىپ، ءتۋريزمنىڭ ەكونوميكا كورسەتكىشى بولۋى ءۇشىن شيرەك عاسىر كەرەك شىعار.

“The Qazaq Times”