![](https://qazaqtimes.com/kk/content/uploads/2017/04/295097-800x480.jpg?token=bb792503faeeb35493a49278ca865d2c)
يران كاسپي تەڭىزى جاعالاۋى ەلدەرىمەن ىنتىماقتاستىق سەلبەستىكتى كۇشەيتۋدى كوزگە ۇستاپ وتىرعانى بەلگىلى. بۇگىن «پارس.اقپارات» اگەنتتىگىنىڭ جاريالاعان حابارىندا يراننان رەسەيدىڭ بارلىق قالالارىنا ساياحات جاساعىسى كەلەتىن تۋريستەرگە ۆيزانىڭ جويىلعانى ءمالىم بولدى. ەكى ەل اراسىندا ازاماتتاردىڭ ۆيزاسىز تۋريستىك ساپار جاساۋ ءتۇزىمى جولعا قويىلدى.
يران يسلام رەسپۋبليكاسىنىڭ مادەنيەت جانە تۋريزم ىستەرى ءمينيسترى مۇرتازا راحماني بۇل ءىستىڭ شىعىستى ازايتىپ، تۋريستەردىڭ بارىس-كەلىسىن جاقسارتىپ، سول ارقىلى ەكى ەلدىڭ مادەني الماسۋىن ارتتىرۋ ماقساتىندا جولعا قويعانىن ايتىپ وتىر.
يراننىڭ بۇگىنگى سىرتقى ساياساتى كوبىندە رەسەيمەن سەرىكتەستىك تۇرعىدا دامىپ وتىر. گەوساياساتتا بولسىن، حالىقارالىق ەكونوميكا، ساۋدا ارىپتەستىك قاتىناستارىندا دا ەڭ نەگىزگى ديپلوماتيالىق سەرىكتەسى رەتىندە رەسەي جانە ازەربايجان كوزدەلىپ وتىر. ير-نىڭ كاسپي جاعالاۋى ەلدەرىنە قاراتقان نازارى ايرىقشا. سونىڭ ىشىندە قازاقستانمەن دە ەلارالىق تاسىمال دالىزدەر جوباسىن بىرلىكتە ىسكە اسىرىپ كەلەدى.
The Qazaq Times