جايىقتا بالىقتار جاپپاي قىرىلىپ جاتىر

جايىق وزەنىندەگى بالىقتار جاپپاي قىرىلىپ جاتىر. بۇل تۋرالى قر اتىراۋ وبلىستىق وڭىرلىك كوممۋنيكاتسيالار قىزمەتى مالىمدەدى.

قازىرگى كۇننىڭ وزىندە جايىق جاعاسىنا 121,7 توننا ءولى بالىق جينالعان. ونىڭ ىشىندە 103 توننا بەكىرە زاۋىتتارىنىڭ بالىقتارى. 100 تونناعا جۋىق ءولى بالىق ورتەۋ ارقىلى جويىلدى. ال وتكەن اپتادا سەنبىلىك كەزىندە 52 توننا قوقىس، 4,3 توننا ءولى بالىق تابىلدى.

2018 جىلدىڭ 10 جەلتوقسانىنان بەرى «قازگيدرومەت» رمم جايىق وزەنىندەگى سۋ جاعدايىنا مونيتورينگ جۇرگىزىپ كەلەدى. زەرتحانالىق سىنامالار لاستانۋدىڭ جوعارى جانە وتە جوعارى دەڭگەيىن كورسەتپەگەن. الايدا، سۋداعى بالىقتاردىڭ جاپپاي قىرىلۋى ءىرى ەكولوگيالىق ماسەلە سانالادى. وسىعان قاتىستى 15 ناۋرىزدا اقپارات جانە قوعامدىق دامۋ ءمينيسترى داۋرەن اباەۆ «جايىق وزەنىندەگى بالىقتىڭ جاپپاي قىرىلۋى بويىنشا ءتورت كومپانيانىڭ كۇدىككە ىلىنگەنىن» حابارلاعان بولاتىن. وسى ءىس بويىنشا اتىراۋداعى اۋىل شارۋاشىلىعى مينيسترلىگىنىڭ سۋ شارۋاشىلىعى كوميتەتىنىڭ توراعاسى يسلام ابىشەۆتىڭ قىزمەتتەن شەتتەتىلدى.

اتىراۋ وبلىستىق پوليتسيا دەپارتامەنتىنىڭ مالىمەتىنشە، وسى وقيعا بويىنشا «سۋدى لاستاۋ، قوقىستاۋ نەمەسە سارقۋ» (328-باپ) جانە «بوتەن بىرەۋدىڭ مۇلكىن ابايسىزدا جويۋ نەمەسە ءبۇلدىرۋ» (204-باپ، 2-ءبولىم) باپتارى بويىنشا ەكى قىلمىستىق ءىس قوزعالعان.

ايتا كەتەر بولساق، قىرىلعان بالىقتاردىڭ باسىم بولىگى (102,862 توننا) جاساندى تۇردە وسىرىلگەن. جايىقتاعى بالىق قورىنىڭ تابيعي پوپۋلياتسياسىنا جينالىپ الىنعان جالپى سالماعى 11,3 توننا چاستيك تۇقىمداس بالىقتار جاتادى. قازىرگى ۋاقىتتا اتىراۋ وبلىستىق اكىمدىگى جايىق وزەنىنە عىلىمي زەرتتەۋ جۇرگىزۋگە 80 ميلليون تەڭگە ءبولدى.

 "The Qazaq Times"