جاڭا پورتال بەتى

وكىلدىكتەردىڭ تىنىس-تىرشىلىگىن كەڭ اۋقىمدا ناسيحاتتاۋ، يسلام جاۋھارلارىن حالىققا ۇسىنۋ، اقپارتتارى جەدەل جەتكىزۋ تۋرالى ءدىني باسقارمانىڭ تاپسىرمالارىنا سايكەس، قمدب-نىڭ وسكەمەن ايماعى وكىلدىگىنىڭ رەسمي سايتى «qalam.kz» دەگەن اتپەن وقىرمانعا جول تارتتى.

شىعىس قازاقستان وبلىستىق «حاليفا التاي»  مەشىتىنىڭ ءباسپاسوز قىزمەتى حابارلاعانداي، سايت بارىنشا وڭتايلاندىرىلعان. عيبراتتى سوزدەر، يسلام عۇلامالارىنىڭ ناسيحات باياندارى مەن تاعىلىمدارى «قاينار كوز» ايدارىندا جاريالانادى. قازاقتىڭ ۇلى ويشىلدارى مەن كوسەمدەرىنىڭ تاعىلىمعا تولى وسيەتتەرىندە «عيبراتنامادا» ورىن بەرىلگەن. سونىمەن قاتار ءدىنتانۋشى عالىمدارىمىزدىڭ وزەكتى ماقالالارى دا سايتتا كۇندەلىكتى جاريالانىپ تۇرادى.

پورتالدىڭ ىشكى بەتتەرى

ءارتۇرلى راسىمدەر بويىنشا «عۇلامالالار كەڭەسىنىڭ» ءپاتۋلارى دا بۇل سايتتىڭ «ءپاتۋا» ايدارىنان ورىن الادى.

«تاريح پاراعى» ايدارىنان تاريحىمىزعا قاتىستى قۇندى جازبالارمەن دەرەكتەردى وقۋعا بولادى.

«ءدىن مەن ءداستۇر» بولىگىنەن دىنىمىزبەن سالتىمىزدىڭ، ءداستۇرىمىزدىڭ اسىل جاۋھارلارىمەن تانىسۋعا مۇمكىندىك بار.

سايت كوركەم ديزاينمەن، وزگەشە ناقىشپەن كوركەمدەلگەن. «qalam.kz» يسلامي اعارتۋشىلىق پورتالى وقىرمانداردىڭ رۋحاني سۇرانىسىن قاناعاتتاندىراتىن، تاعىلىم مول تانىمدىق قازىنالارعا تولى اقپارات قۇرالى بولۋ ءۇشىن تىڭ ىزدەنىستەرمەن قىزمەت اتقاراتىن بولادى.

"The Qazaq Times"