كورنەكى سۋرەت. كيپر ءسىم نيكوس حريستودۋليديس. فوتو: https://www.kathimerini.com.cy

قر سىرتقى ىستەر ءمينيسترى بەيبىت اتامقۇلوۆ كيپردىڭ سىرتقى ىستەر ءمينيسترى نيكوس حريستودۋليديسپەن كەزدەسىپ، ىنتىماقتاستىق مەموراندۋمعا قول قويدى. 

كەزدەۋدە قوس تاراپ اراسىنداعى ەنەرگەتيكا سالاسى، قۇرىلىس، يننوۆاتسيا، ازىق-تۇلىك ونەركاسىبى، اۋىل شارۋاشىلىعى، تۋريمز سالالارىنا قاتىستى كەلىسسوزدەر تالىلانعان. ناتيجەسىندە، ەكى ەلدىڭ مينيسترلەرى ىنتىماقتاستىق جانە ەكىجاقتى ساياسي كەڭەس تۋرالى مەموراندۋمعا قول قويدى. تاياۋدا ەكى جاقتى سالىق سالۋدى بولدىرماۋ، سالىقتان جالتارۋدى الدىن الۋ تۋرالى كونۆەنتسياسىنا قول قويىلماق.

ب.اتامقۇلوۆ تىلشىلەرگە سۇحباتىندا: «قازاقستان –كيپر قارىم-قاتىناستارىنىڭ سپەكترى ءبىز قوزعاعان ماسەلەلەرمەن شەكتەلىپ قالمايدى. ءبىزدىڭ قول جەتكىزگەن ۋاعدالاستىقتارىمىز ءوزارا ىنتىماق ءۇشىن جاڭا مۇمكىندىكتەر اشپاق. كەلىسسوزدەر بارىسىندا ءبىز ەكىجاقتى ىنتىماقتاستىقتىڭ ماڭىزدى ماسەلەلەرىن تالقىلادىق. ساياسي، ساۋدا-ەكونوميكالىق، مادەني-گۋمانيتارلىق سالالاردا ناقتى جوسپارلاردى بەلگىلەدىك. سونداي-اق، حالىقارالىق ارەناداعى ءوزارا ءىس-قيمىلدىڭ ورتاق ۇستانىمدارىنا قول جەتكىزدىك»، – دەدى. ال كيپر ءسىم نيكوس حريستودۋليديس قازاقستان تاراپىمەن قول قويىلعان ءوزارا تۇسىنىستىك تۋرالى مەموراندۋمدار ەكى ەل قارىم-قاتىناسىن نىعايتا تۇسپەك دەپ مالىمدەدى.

ايتا كەتەيىك، كيپر قازاقستاننىڭ ورتالىق ەۋروپا ايماعىنداعى ماڭىزدى سەرىكتەستەرىنىڭ ءبىرى سانالادى. وسى ۋاقىتقا دەيىن كيپر رەسمي تۇردە قازاقستاننىڭ ەقىۇ، بۇۇ سىندى ۇيىمدارداعى ءىس-ارەكەتىن جاقتاپ كەلەدى.

"The Qazaq Times"