فوتو: https://www.inform.kz

قازاقستان 2020 جىلى دۋبايدا وتەتىن EXPO كورمەسىنە 9 ميلليارد تەڭگە جۇمساماق.

وسى جاڭالىقتى حابارلاعان ساۋدا جانە ينتەگراتسيا ءمينيسترى باقىت سۇلتانوۆ ءباسپاسوز ماسليحاتىندا: «پاۆيلوندى دايىنداۋ جۇمىستارى جۇرگىزىلدى، وعان بىلتىر بيۋدجەتتەن شامامەن 9 ميلليارد تەڭگە ءبولىندى. پاۆيلون بولشەكتەلىپ، قازاقستانعا وسى قاراجاتتىڭ ەسەبىنەن اكەلىنەدى، كەيىن وڭىرلەردە نەمەسە استانادا ءارى قاراي ءوز ءرولىن اتقارا بەرەدى»، – دەيدى.

دۋبايدا ء(باا) وتەتىن حالىقارالىق كورمە كەلەر جىلدىڭ 20 قازانىندا باستالىپ، 2021 جىلدىڭ 10 ساۋىرىنە دەيىن جالعاسپاق. وسىعان دەيىن EXPO-2020 كورمەسىندە قازاقستانعا ەڭ ۇلكەن ورىنداردىڭ ءبىرى بەرىلگەنى بەلگىلى بولعان ەدى. ونىڭ اۋدانى – 3 420 شارشى مەتر.

"The Qazaq Times"