فوتو: Reuters.

اقش-تا قىتاي تىڭشىسى دەپ ايىپ تاعىلعان ماللوري اتتى ديپلوماتقا ۆيدجينيا شتاتى فەدەرالدىق سوتى ءومىر بويى باس بوستاندىعىنان ايىرۋ جازاسىن كەسەدى دەپ كۇتىلگەن. ىسكە قاتىستى ادامداردىڭ ايتۋىنشا، مەملەكەت ماڭىزدى قورعانىس قۇپيالىقتارىن اشقانى ءۇشىن ءولىم جازاسى كەسىلۋى دە مۇمكىن ەكەن. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلايدى.

قىتاي بارلاۋ ۇيىمىنا اقش-تىڭ ماڭىزدى قورعانىس قۇپيالىقتارىن جەتكىزدى دەپ ايىپتالعان امەريكالىق ازاماتتىڭ ەسىمى كەۆين ماللوري. 1987 جىلدان 1990 جىلعا دەيىن اقش سىرتقى ىستەر مينيسترلىگىندە ديپلوماتتىق قىزمەت اتقارعان. قىتاي ءتىلىن وتە جەتتىك مەڭگەرگەن. وعان تىڭشىلىق ايىپ تاعىلۋدىڭ الدىندا اۋەجايدا تىركەلمەگەن 15 مىڭ 500 اقش دوللارىن الىپ جۇرگەنى تۋرالى مالىمەت بار.

اتالعان شتاتتىڭ فەدەرالدىق سوت تورەشىسى جون گيببەستىڭ سوت ءىسى تۋرالى بەرگەن مالىمەتىندە ماللوري قىتاي بارلاۋ قىزمەتكەرلەرىنەن 25 مىڭ اقش دوللارىن العان. بۇل وعان قۇپيا اقپاراتتى جەتكىزگەنى ءۇشىن بەرىلگەن دەگەن كۇمان بار. جون گيببەس مالىمدەمەسىندە كەۆين ماللوريعا قۇراما شتات زاڭى بويىنشا ءولىم جازاسىن دا بەرۋگە بولاتىنىن ايتتى.

“The Qazaq Times”