فوتو: AP

پەرۋ ۇكىمەتى پحەنياننىڭ بۇۇ قاۋىپسىزدىك كەڭەسىنىڭ تالاپتارىن بۇزىپ، يادرولىق قارۋ سىنامالارىن وتكىزۋدەن باس تارتپاعانى ءۇشىن سولتۇستىك كورەيانىڭ ەكى ديپلوماتىن ەلدەن شىعارۋ تۋرالى شەشىم قابىلدادى. بۇل تۋرالى ءال-جازيرا اقپاراتتىق اگەنتتىگى جازدى. 

پەرۋ ۇكىمەتىنىڭ رەسمي مالىمدەمەسىندە ءبىرىنشى حاتشى پاك مەن چول مەن ءۇشىنشى حاتشى دجي حەكقا "نون گراتا" ديپلوماتيالىق تەرمينى جاريالانىپ، ولاردىڭ ليمادا قالۋىنا زاڭ جۇزىندە شەكتەۋ قويىلعانى ايتىلادى. پەرۋدىڭ سىرتقى ىستەر مينيسترلىگى سولتۇستىك كورەياعا اتالعان شەشىمدى حابارلاپ، قوس بىردەي ديپلوماتتان لاتىن امەريكاسى مەملەكەتىنەن  15 كۇن ىشىندە كەتۋدى تالاپ ەتكەن.

نون گراتا - (لات. جاعىمسىز) ديپلوماتيالىق يممۋنيتەتى بار تۇلعالارعا قاتىستى قولدانىلاتىن،  بەلگىلى ءبىر مەملەكەت ۇكىمەتىنىڭ اتالعان ازاماتتىڭ ەلدە قالۋىنا تىيىم سالۋ تۋرالى شەشىمى. ادەتتە بۇل ديپلوماتيالىق شارا ءبىر مەملەكەتتىڭ ەكىنشى ءبىر ەلگە قاتىستى نارازىلىعىن ءبىلدىرۋ ءۇشىن جاسالادى.

“The Qazaq Times”