اقش-تىڭ اۋعانستان ىستەرى بويىنشا ارنايى وكىلى زالماي كاليزات قىزمەتىنەن كەتتى. ول بۇعان دەيىن اقش پەن «تاليبان» ورتاسىنداعى كەلىسسوزدەردى الىپ بارعان بولاتىن.
اقش مەملەكەتتىك حاتشىسى انتوني بلينكەن اۋعانستان ىستەرى بويىنشا ارنايى وكىل بولىپ كاليزاتتىڭ ورىنباسارى توماس ۆەستتىڭ كەلگەنىن مالىمدەگەن. بۇرىنعى ارنايى وكىلدىڭ ۇزاق ۋاقىتتىڭ جۇرگىزگەن كەلىسسوزدەرى ناتيجەسىز بولدى دەپ باعالانۋدا، سەبەبى، اقش اسكەرلەرى اۋعانستاننان شىعا سالىسىمەن ەل بيلىگىن تالىپتەر باسىپ الدى.
مالىمەتتەرگە قاراعاندا كاليزات مەملەكەتتىك حاتشىعا جازعان حاتىندا اۋعان ۇكىمەتى مەن «تاليبان» اراسىنداعى ساياسي كەلىسىم «كۇتپەگەن ناتيجە بەرگەنىن» مويىنداعان. «بۇنىڭ سەپتەرى كوپ، ول تۋرالى ويلارىمدى جاقىنعى كۇندەردە بىلدىرەمىن»، – دەگەن زالماي كاليزات ءوز حاتىندا. ول سونداي-اق، اۋعان حالقى تاپ بولعان جاعداي ءۇشىن قايعىراتىنىن دا بىلدىرگەن ەكەن.
دۇيسەنبىدە بلينكەن زالماي كاليزاتتىڭ قىزمەتتەن كەتكەنىن مالىمدەي وتىرىپ: «مەن ونىڭ امەريكا ەلىنە ونداعان جىل ەتكەن ەڭبەگى ءۇشىن ريزاشىلىعىمدى بىلدىرەمىن»، – دەدى.
كىشى بۋش كەىنەن بەرى اقش-تىڭ اۋعانستان ماسەلەسى بويىنشا ارنايى وكىلى قىزمەتىن اتقارىپ كەلگەن اۋعانستان تۋماسى زالماي كاليزات بيىل 70 جاستا. قۇراما شتاتتاردىڭ ارداگەر ديپلوماتتارىنىڭ ءبىرى سانالادى. بىلتىر قاڭتاردا دوحا قالاسىندا اقش پەن «تاليبان» ورتاسىندا كەلىسىمگە قول قويۋشىنىڭ ءبىرى.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟