سىرتقى ساياسي ۆەدومستۆوداعى كەزدەسۋ. فوتو: قر ءسىم رەسمي سايتى

9 ءساۋىر، سەنبى كۇنى قر ءسىم باسشىسى مۇحتار تىلەۋبەردى پرەزيدەنتتىك جاستار كادرلىق رەزەرۆىنىڭ وكىلدەرىمەن كەزدەستى. سىرتقى ساياسي ۆەدومستۆودا وتكەن شارادا مينيسترلىك قىزمەتىنىڭ بارلىق باعىتتارى بويىنشا اشىق پىكىر الماسۋ بولعانىن ۆەدومستۆونىڭ رەسمي سايتى جازدى. 

رەسمي سايتتىڭ حابارىنا قاراعاندا كەزدەسۋدە مينيستر م.تىلەۋبەردى قازاقستاننىڭ سىرتقى ساياساتىنداعى نەگىزگى باسىمدىقتار تۋرالى اتاپ وتكەن. بۇعان قوسا قازاقستاننىڭ قازىرگى جالپى ساياسي دامۋ باعىتىنداعى اتالمىش مينيسترلىكتىڭ ءرولى تۋرالى سويلەگەن.

مينيسترلىك سايتىنىڭ حابارىندا ونداعى باياندامالار مەن پىكىرلەر تۋرالى اشىق مالىمەت جوق. بىراق، سىرتقى ساياسي باسىمدىقتار، ينۆەستيتسيالىق جانە كادر ساياساتى، سونداي-اق، شەتەلدەگى قازاق دياسپوراسىمەن جۇمىس سەكىلدى تاقىرىپتاردى تالقىلاعان. بۇعان قوسا، كادرلك رەزەرۆ وكىلدەرىمەن (جاس ماماندارمەن) وزگە دە سۇراقتار بويىنشا اڭگىمە وربىتكەن. ءوز كەزەگىندە جاس ماماندار وزدەرىنىڭ سىرتقى ساياسي باعىتتار بويىنشا ءوز پىكىرلەرىن ورتاعا سالعان.

كەزدەسۋدەن كەيىن قر سىرتقى ىستەر ءمينيسترىنىڭ ورىنباسارلارى كادرلىق رەزەرۆتەگى جاس ماماندارمەن جەكە سۇحبات وتكىزگەن.

كەزدەسۋدىڭ ناقتى مازمۇنى بولماعانىمەن، رەسمي مالىمەتتەرگە قاراي وتىرىپ، الداعى ۋاقىتتا سىرتقى ىستەر مينيسترلىگىنىڭ كادرلىق قۇرامىندا جانە قىزمەتتەرىندە بىرقاتار جاڭالىقتار بولۋى مۇمكىن دەپ بولجاۋعا بولادى.

The Qazaq Times