تۇركىتىلدەس مەملەكەتتەر كەڭەسىنىڭ ستامبۋلدا وتكەن ءسامميتى قارساڭىندا رەسەي سىرتقى ىستەر ءمينيسترى سەرگەي لاۆروۆ «روسسيسكايا گازەتا» باسىلىمىندا جاريالانعان ماقالاسىندا قازاقستاندا ورىس تىلدىلەرگە كسەنوفوبيالىق كوزقاراس بارىن ايتقان بولاتىن. ونىڭ بۇل سوزىنە قازاقستان قوعامى دەر كەزىندە نارازىلىق بىلدىرگەنىمەن رەسمي بيلىك اتىنان قر سىرتقى ىستەر ءمينيسترى مۇحتار تىلەۋبەردى رەسەيلىك ارىپتەسىنىڭ سوزىنە ەندى عانا پىكىر ءبىلدىردى.

18 قاراشادا ازاتتىق ءتىلشىسىنىڭ سۇراعىنا جاۋاپ بەرگەن قر سىرتقى ىستەر ءمينيسترى «بۇل ماقالا ەڭ بىرىنشىدەن، قازاقستان مەن رەسەي اراسىنداعى جاقسى قارىم-قاتىناس تۋرالى. سىزدەر ونىڭ ءسوزىن كونتەكستەن ءبولىپ اكەتپەڭىزدەر» دەگەن مينيستر «ماقالادا نە ايتىلعان؟ قازاقستان مەن رەسەي اراسىندا سىرتقى ىستەر مينيسترلىگى، قۇقىق قورعاۋ ورگاندارى، پرەزيدەنت اكىمشىلىكتەرى اراسىندا تىكەلەي بايلانىس كانالدارى ورناتىلعان. وسى كانالدارعا سۇيەنىپ، ءبىز سونداي ماسەلەلەردى: شوۆينيزم بولسىن، كسەنوفوبيا بولسىن، سونداي وقيعالارعا بىرلەسىپ جاۋاپ بەرە الامىز» دەپ تاپسىرلەدى.

ال ءجۋراناليستىڭ «قازاقستان ءسىم لاۆروۆتىڭ سوزىنە نەگە پىكىر بىلدىرمەدى؟» دەگەن ساۋالىنا تىلەۋبەردى مىرزا بۇعان دەيىن مينيسترلىكتەن وسى جونىندە ەشكىمنىڭ سۇراماعانىن ايتىپ اقتالدى.

بۇعان دەيىن لاۆروۆتىڭ سوزىنە پىكىر بىلدىرمەگەن بيلىك وكىلىنىڭ «روسسيسكايا گازەتاسىنا» جاريالانعان ماقالانى باسقاشا تاپسىرلەپ  كسەنوفوبيا تۋرالى ناقتى ايتىلعان ءسوزدى اينالىپ ءوتۋى دە قوعام نارازىلىعىنا ۇشىراپ جاتىر.

The Qazaq Times