جاپون يمپەراتورى مەن پاتشايىمى. فوتو: NDTV.com.

جاپون ەلىنىڭ پاتشا اۋلەتى ىشىندە 200 جىلدا بولماعان وزگەرىس بولدى. جاپونيا پارلامەنتى پاتشالارىنا كوز جۇمباي تۇرىپ پاتشالىق تاقتى بوساتىپ بەرۋىنە رۇقسات ەتتى. 85 جاستاعى جاپون يمپەراتورى اكيحيتو وتكەن جىلى دەنساۋلىعىنا بايلانىستى، پاتشالىق تاقتى كوز جۇمباي تۇرىپ وتكىزىپ بەرۋ تۋرالى پارلامەنتتەن شەشىم سۇراعان بولاتىن.

جاپون پاتشا اۋلەتىنىڭ زاڭى بويىنشا، تاقتا وتىرعان پاتشاسى كوز جۇمباي تۇرىپ، بيلىكتى بوساتۋىنا بولمايتىن بولىپ بەلگىلەنگەن.

پارلامەنت يمپەراتور اكيحيتونىڭ پاتشالىق تاقتى بوساتۋىنا رۇقسات بەرەتىن زاڭ جوباسىن ماقۇلدادى. الايدا، بۇل زاڭ جوباسىنا تەك ءبىر-اق رەت اتقارىلادى دەپ ەسكەرتىلدى. اكيحيتونىڭ ورنىنا مۇراگەر حانزادا 57 جاستاعى نارۋحيتۋ وتىراتىن بولدى.

جاپون تاريحىندا وسىدان بۇرىن 1817 جىلى كوكاكۋ پاتشا عانا ءوز تاعىن ءتىرى كەزىندە ۇلى نينكوعا وتكىزىپ بەرگەن بولاتىن.

“The Qazaq Times”