نارۋحيتو جاپونيانىڭ جاڭا يمپەراتورى بولىپ تاققا وتىردى

جاپونيادا جاڭا يمپەراتور تاققا وتىردى. بۇرىنعى يمپەراتور 85 جاستاعى اكيحيتو دەنساۋلىعىنا بايلانىستى تاقتان باس تارتاتىنىن جاريالاعان بولاتىن. بۇل جاپونيا تاريحىندا 200 جىلدان بەرى بولماعان.

2017 جىلى جاپونيانىڭ پارلامەنتى يمپەراتوردىڭ تاقتان باس تارتۋىنا رۇقسات بەرەتىن زاڭ جوباسىن ماقۇلداعان بولاتىن. جاپون پاتشاسى تاقتان باس تارتۋ تۋرالى تىلەگىن وسىدان بىرنەشە جىل بۇرىن بىلدىرگەن ەدى. پاتشا تاعىنا اكيحيتونى ۇلى نارۋحيتو وتىردى.

يپەراتور اكيحيتو تاقتان باس تارتتى. فوتو: REUTERS.

جاپون جۇرتىنىڭ زاڭىنا سايكەس، پاتشا وتباسىندا ساياسي بيلىك جوق. الايدا، جاپونيانىڭ ەل بىرلىگى مەن ۇلت تۇتاستىعىنىڭ سيمۆولى رەتىندە پاتشا وتباسىنا ۇلكەن قۇرمەت كورسەتىلەدى. حالىق نارازى بولعان جاعدايدا ۇكىمەتتى دە اۋىستىرۋعا قاقىسى بار.

اكيحيتو پاتشانىڭ تۇسىندا جاپون حالقى تالاي اۋىر كۇندەردى باسىنان وتكەرگەن. اكيحيتو سونىڭ بارىندە شاپاعاتشىل، حالىقشىل پاتشا رەتىندە ەستە قالعان. سەيسەنبى كۇنى پاتشا اۋلەتىندە تاقتان باس تارتۋ جانە تاققا وتىرۋ سالتاناتى وتكىزىلدى. نارۋحيتو اكەسىنەن «قاسيەتتى قانجاردى» الىپ، پاتشا اۋلەتىنىڭ سالتىن ساقتاۋعا جانە بۇرىنعى يمپەراتوردىڭ جولىن جالعاۋعا ۋادە بەرىپ تاققا وتىردى.

“The Qazaq Times”