كورنەكى سۋرەت. فوتو: googleusercontent.com

الماتى قالاسى جاڭا جىل مەرەكەسىنە بيۋدجەتتەن 135 ميليون تەڭگە جۇمسايدى. بۇل اقپاراتتى Malim.kz حابارلادى.

سايتتىڭ مالىمەتىنشە، ساعىنتاەۆ باسقاراتىن قالا اكىمدىگى 2021 جىلعا ارنالعان جاڭا جىلدىق شىرشانى ورناتۋعا بيۋدجەتتەن 15 680 000 تەڭگە جۇمساعان. شىرشانى ورناتۋ مەن ونى بەزەندىرۋ قىزمەتتەرىن Design Engineering كومپانياسى اينالىسقان.

«ءبىز بىرگەمىز 2021 مى ۆمەستە!» شاعىن ارحيتەكتۋرالىق فورماسىنىڭ ديزاين جوباسىن ازىرلەۋگە دە اكىمدىك ءدال وسى Design Engineering كوپانياسىمەن كەلىسىم جاساسقان. بۇل جوباعا 39 424 000 تەڭگە بولىنگەن.

الماتى قالاسى مادەنيەت باسقارماسى 10 جەلتوقساندا Formata SRS جشس-مەن كەلىسىم جاساسقان. كەلىسىم بويىنشا كومپانيا تۇڭعىش پرەزيدەنت سايابعى مەن استانا الاڭىندا جاڭا جىلعا دايىندىق ەسەبىندە بەزەندىرۋمەن اينالىسادى. بۇعان 39,9 ميليون تەڭگە جۇمسالىناتىنى بەلگىلى بولدى.

اكىمدىك قبتۋ الاڭى الدىنداعى  بيىكتىگى 12 مەتر بولاتىن قالانىڭ باس شىرشاسىمەن «ءبىز بىرگەمىز 2021 مى ۆمەستە!» قارىپتىك كومپوزيالارىنا قازىنادان 40 ميلليون تەڭگە جۇمساماق.

2019 جىلى الماتى قالاسىنىڭ اكىمى بولىپ تاعايىندالعان ساعىنتاەۆ وسىلايشا جاڭا جىلدىق بەزەندىرۋگە 135 ميليون تەڭگە جۇمساماق.

"The Qazaq Times"