استانا اكىمدىگى: ازىق-تۇلىك باعاسى كۇرت وسپەيدى

استانا باسشىلىعى قالادا وتەتىن حالىقارالىق فورۋم كەزىندە ازىق – تۇلىك باعاسىنىڭ كۇرت ءوسۋىن بولدىرماۋ باعىتىندا جۇمىس ىستەپ جاتىر. بۇل تۋرالى اكىمدىكتىڭ ءباسپاسوز قىزمەتى حابارلادى. 

استانا قالاسى اكىمىنىڭ ورىنباسارى ماليكا بەكتۇروۆانىڭ سوزىشە، باعانىڭ كۇرت ءوسۋى مەن قاساقانا ءوسىرۋ بولمايدى.

ء"بىز باعا مۇلدەم كوتەرىلمەيدى دەپ ايتپايمىز. بىراق، ءبىز باعانىڭ كۇرت ءوسۋى مەن قاساقانا ءوسىرۋ بولمايتىندىعىن جەتكىزگىمىز كەلەدى. سونىمەن قاتار، كوتەرىلۋ ءۇردىسىن باسىپ جانە باعانىڭ ساقتالۋىن ءبىر دياپازوندا ۇستاپ، قارجىلاندىرۋدىڭ وسىنداي ءتۇرىن ۇزاق مەرزىمگە ۇسىنىپ وتىرمىز", - دەدى م.بەكتۇروۆا.

ونىڭ ايتۋىنشا، باعانى قالىپتاستىرۋ سالاسىنا مۇمكىندىگىنشە اسەر ەتەتىن بىرقاتار نارىقتىق مەحانيزمدەر بار. "اتاپ ايتقاندا،ساۋدا جەلىلەرىنە جانە كوتەرمە باعامەن جەتكىزۋشىلەرگە جەڭىلدىكپەن نەسيە بەرۋ بويىنشا ەكى باعدارلاما جۇمىس ىستەپ جاتىر. ەگەر، ەكىنشى دەڭگەيلى بانكتەر جەتكىزۋشىلەرگە 16-18%-بەن نەسيە بەرسە، ال اكىمدىك نەسيەنى ءدال سول بانكتەر ارقىلى 7-8,5%-بەن بەرەدى. سايكەسىنشە، بۇل تاۋاردىڭ ناقتى باعاسىنا تۇتىنۋشىلار ءۇشىن وڭ اسەر ەتەدى", - دەيدى اكىمدىك وكىلى.

باعانى ۇستاۋ ماقساتىندا قولدانىلاتىن اكىمدىكتىڭ باسقا مەحانيزمى – ازىق – تۇلىك قورىن قۇرىپ، ولاردىڭ جەتتكىزىلۋىن قامتاماسىز ەتۋ.

ء"بىز بارلىق مۇددەلى ۇيىمدارمەن ەسەپتەستىك، سونىڭ ىشىندە ءىرى ساۋدا جەلىلەرىنىڭ باسشىلارىمەن دە، سودان تۇيگەنىمىز - ەكسپو وتكىزۋ كەزىندە ونىمدەردى اتاۋ رەتى بويىنشا تۇتىنۋ ايتارلىقتاي 10-نان 50 پايىزعا وسەدى. سونىڭ ىشىندە الكوگولسىز سۋسىندار. سوندىقتان ءساۋىردىڭ باسىنان-اق ءونىمنىڭ وسى ءتۇرى بويىنشا جانە تاعى باسقا قاتارداعى ونىمدەردى تيەۋ جۇرگىزىلۋدە", - دەپ استانا اكىمىنىڭ ورىنباسارى جالعاستىردى.

سونىمەن قاتار، بەكتۇروۆا تۇرعىندار 10-15 پايىز ارزان باعاعا ازىق-تۇلىك ساتىپ الا الاتىن ايماقتىق وندىرۋشىلەردىڭ تۇراقتى جارمەڭكەلەرى ەلورداداعى باعا تۇراقتىلىعىنا وڭ اسەر ەتەتىنىن دە اتاپ ءوتتى.

ايتا كەتەيىك، وتكەن ايدا استانا ءومىر ءسۇرۋ قۇنى "قىمبات" ءوڭىر بولعان. سەبەبى باسقا قالالارمەن سالىستىرعاندا باس قالادا نەگىزگى قاجەتتى تاۋارلار مەن قىزمەت كورسەتۋ قۇنى 9,2%-عا وسكەن.  ازىق-تۇلىك پەن سۋسىنداردىڭ باعاسى 13,2%-عا، ازىق-تۇلىك ەمەس تاۋارلار قۇنى 11,7%-عا، اقىلى قىزمەتتەر 2,2%-عا جوعارى بولعان.

“The Qazaq Times”