قازاقستاننىڭ ارزان كومىرى ءالى 300 جىلعا جەتەدى – دەپ مالىمدەدى پارلامەنت ءماجىلىسىنىڭ دەپۋتاتى البەرت راۋ.

قاراشا ايىنىڭ 27-ءسى كۇنى تۇڭعىش پرەزيدەنت كۇنىنە وراي وتكەن حالىقارالىق پارلامەنت كونفەرەنتسياسىندا ءسوز سويلەگەن البەرت راۋ: «بالامالى ەنەرگيا كوزدەرىنە كوشۋگە اسىقپاعان دۇرىس. ءبىز دە بۇل سالادا جەتىستىكتەر جوق ەمەس، بىراق بۇعان ەۆوليۋتسيالىق جولمەن كەلگەن ابزال. ءبىزدىڭ 70 پايىز جىلۋ ەلەكتر ستانتسيالارىمىز كومىر جاعادى. ارزان كومىر بىزگە ءالى 300 جىلعا جەتەدى. سول سەبەپتى بۇل سالادا بىزگە اسىقپاۋ كەرەك» - دەگەن.

ەستەرىڭىزگە سالايىق، قازاقستان ءۇش اي جازدا قىرۋار قارجى جۇمساپ "ەكسپو-2017" حالىقارالىق مامانداندىرىلعان كورمەسىن وتكىزگەن بولاتىن. بىراق ونىڭ تاقىرىبى ءماجىلىس دەپۋتاتى ايتقان 300 جىلدىق كومىر قورىمەن مۇلدەم سايكەس كەلمەيدى.

“The Qazaq Times”