قازاقستان جانە گۆينەيا رەسپۋبليكاسى گيدروەلەكتروەنەرگيانى جانە باسقا دا ەنەرگيا كوزدەرىن بىرلەسىپ دامىتا الادى. بۇل تۋرالى ەكسپو-2017 كورمەسى اياسىندا ەلدىڭ ۇلتتىق كۇنىنە ارنالعان ءباسپاسوز كونفەرەنتسياسىندا ساۋدا مينيسترلىگىنىڭ شتاب باسشىسى بالا دوپاۆوگي مالىمدەدى دەپ حابارلايدى ستراتەگيا-2050 سايتى. 

ءمينيستردىڭ سوزىنشە، گۆينەيانىڭ ماقساتى - قازاقستاننان ينۆەستورلاردى تارتۋ. "قازاقستاندا مۇناي جانە گاز بار، ال بىزدە گيدروەلەكتروەنەرگيا سالاسىندا ۇلكەن الەۋەت بار. وسىلايشا، گيدروەلەكتروەنەرگيانى جانە ەنەرگيانىڭ باسقا دا كوزدەرىن بىرلەسىپ دامىتۋعا بولادى", - دەپ اتاپ ءوتتى بالا دوپاۆوگي..

سونداي-اق، ول ەكى ەل اراسىندا كۇن ەنەرگياسىن جانە جەل ەنەرگياسىن دامىتۋ بويىنشا ۇقساستىق بار ەكەنىپ اتاپ ءوتتى.

ء"بىز قوسىمشا جانە ەنەرگەتيكالىق وڭىرلەردىڭ قاۋىپسىزدىگىن قامتاماسىز ەتە وتىرا، ۇلتتىق دەڭگەيدە عانا ەمەس، الەمدىك دەڭگەيدە دە ءوز ۇلەسىمىزدى قوسا الامىز", - دەدى گۆينەيا وكىلى.

ايتا كەتەيىك، بيىل قازاقستان مەن گۆينەيا اراسىندا ديپلوماتيالىق قارىم-قاتىناستاردىڭ ورناۋىنا 25 جىل تولعان. 

“The Qazaq Times”