بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ قاماۋ مەرزىمى تاعى ءبىر ايعا سوزىلدى. ەندى ول 2017 جىلدىڭ 10 شىلدەسىنە دەيىن قاماۋدا بولادى. بۇل تۋرالى "قازاقپارات" استانا سوتىنىڭ ءباسپاسوز حاتشىسى بوتاگوز بايانوۆاعا سىلتەمە جاساپ حابارلادى.
"استانا قالاسى الماتى اۋدانىنىڭ №2 اۋداندىق سوتى كۇدىكتى قۋاندىق ءۋاليحانۇلى بيشىمبەۆتىڭ قاماۋ مەرزىمىن 2017 جىلدىڭ 10 شىلدەسىنە دەيىن سوزۋ تۋرالى شەشىم قابىلدادى", - دەپ كەلتىرەدى اقپارات اگەنتتىگى بايانوۆانىڭ ءسوزىن.
ايتا كەتەيىك، بۇرىنعى ۇلتتىق ەكونوميكا ءمينيسترى قۋاندىق بيشىمباەۆ وسى جىلدىڭ 10 قاڭتارىندا قاماۋعا الىنعان. سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ وكىلدەرىنىڭ اقپاراتىنا سۇيەنسەك،ول توپ بولىپ، الدىن الا كەلىسىم جاساۋ ارقىلى اسا ءىرى كولەمدە بىرنەشە رەت پارا العان. زاڭسىز العان قاراجاتتى بيشىمباەۆ ءوز قاجەتىنە جاراتقان. كەيىنىرەك قىزىلورداداعى اينەك زاۋىتىن سالۋ كەزىندە 1 ملرد تەڭگە جىمقىرعان دەگەن كۇدىككە ىلىنگەنى حابارلاندى.
نۇرايدىڭ ءولىمى: ەلەنبەگەن شاعىم مەن جاۋاپسىز قالعان قاۋىپ
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى