حالىقارالىق پاۆيلوندار:

حالىقارالىق پاۆيلوندار كورمە كەشەنىنىڭ سىرتقى پەريمەترى بويىنشا ورنالاسقان. ساقينا تۇرىندە جايعاسۋ ارقىلى 4 ءىرى بلوكقا بىرىكتىرىلگەن 14 پ-ءتارىزدى عيماراتتاردا ورنالاسقان قاتىسۋشى ەلدەردىڭ پاۆيلوندارىنا جەتۋ مۇمكىندىگى بىردەي ءارى كەلۋشىلەر اعىنىن بىركەلكى ۇلەستىرۋگە جاعداي جاسالعان.

ەلدەردىڭ ەكسپوزيتسيالارى 1 قابات دەڭگەيىندە ورنالاسقان. 2 قاباتتا كەڭسەلەر، كەلىسسوزدەر بولمەلەرى، قاتىسۋشىلاردىڭ قىزمەتتىك ايماقتارى، سونىمەن قاتار ۇلتتىق تاعامدار مەيرامحانالارى جايعاستىرىلادى.

حالىقارالىق پاۆيلوندار تاقىرىپتىق پاۆيلوندارمەن كۇندەلىكتى شوۋ-شەرۋ وتەتىن، سونداي-اق ارت-پەرفورمانستار مەن ينستاللياتسيالار جاسالاتىن ساقينالىق جەلەكجول ارقىلى بايلانىسادى.

ەڭ بەلسەندى قاتىسۋشى:

ءوز كەزەگىندە قىتايلىق تاراپ ەكسپو-2017 كورمەسىنە دەگەن جوعارى قىزىعۋشىلىعىن ءبىلدىردى. بۇگىندە 223 پروۆينتسيا مەن 500-دەن استام كومپانيا كورمەگە قاتىسىپ، ونىڭ شەڭبەرىندە بيزنەس-فورۋمدار وتكىزۋگە دايىن.

قازاقستان تاراپىنان ۇسىنىلعان جوبالار:

قازاقستاننىڭ ۇلتتىق پاۆيلونى ەنەرگەتيكا سالاسىنداعى 28 جوبانى ۇسىنادى - ولاردىڭ ەڭ ءىرىسى ماگنيتتىك كاتۋشكاسى بار ءتورويدالدى كامەرا.

قاتىسۋشىلار: 

115 مەملەكەت جانە 21 حالىقارالىق ۇيىم. سونىمەن قاتار، ارنايى جوسپار بويىنشا ءار مەملەكەتتىڭ ۇلتتىق كۇندەرى ۇيىمداستىرىلىپ تۇرادى.

مادەني شارالار:

ەكسپو-2017 كورمەسىنىڭ بارىسىندا 3000 مادەني، ويىن-ساۋىق شارالارى ۇيىمداستىرىلاتىن بولادى. بيلەتتەر كورمەنىڭ رەسمي سايتىندا ساتىلىمدا.

بيلەتتەر:

كورمەگە كىرۋ بيلەتىنىڭ قۇنى 6000 تەڭگەدەن باستالادى.

كادەسىيلىق بيلەت – بۇل سىيلىققا بەرىلەتىن كيىز كونۆەرتكە كوركەمدەلگەن بىرەگەي ديزايندى بيلەت. كادەسىيلىق بيلەت وزىنە بىرقاتار بونۋستاردى قوسادى، ولاردىڭ باستىسى – كەز كەلگەن كۇندە كورمەگە بارۋ مۇمكىندىگى. سونىمەن قاتار بيلەتتىڭ يەلەرىنە فاست-ترەك جۇيەسى قولجەتىمدى بولادى، ياعني كورمەگە ءوتۋ ارنايى بولىنگەن ءدالىز ارقىلى جۇزەگە اسىرىلاتىن بولادى جانە جالپى كەزەكتە تۇرۋ قاجەت ەمەس. كورمە اۋماعىنداعى «ەنەرگيا حوللى» پاۆيلونىندا وتكىزىلەتىن بىرقاتار ءىس-شارالارعا 50% جەڭىلدىكپەن 2 بيلەتكە دەيىن ساتىپ الۋ مۇمكىندىگى بولادى.

كورمەگە كەلۋشىلەرگە الەۋمەتتىك جاعدايىنا بايلانىستى ارنايى جەڭىلدىكتەر قاراستىرىلعان. بەلگىلى ءبىر قۇجاتتاردى كورسەتۋ ارقىلى 50-100 پايىزعا دەيىن جەڭىلدىككە قول جەتكىزۋگە مۇمكىندىك بولادى.

ۇيىمداستىرۋشى كومپانيا:

«استانا ەكسپو-2017» ۇلتتىق كومپانياسى» اكتسيونەرلىك قوعامى  2013 جىلعى 15-قاڭتاردا قازاقستان رەسپۋبليكاسىنىڭ № 11 قاۋلىسىمەن قۇرىلعان بولاتىن.«استانا ەكسپو-2017» ۇلتتىق كومپانياسى اكتسيونەرلىك قوعامى قىزمەتىنىڭ ءمانى رەتىندە ەكسپو-2017 حالىقارالىق ماماندىرىلعان كورمەنى ۇيىمداستىرۋ جانە وتكىزۋ بەلگىلەندى.

«استانا ەكسپو-2017» ۇلتتىق كومپانياسى اكتسيونەرلىك قوعامىن قۇرۋدىڭ الدىندا ۇلكەن ۇيىمداستىرۋ جۇمىسى، تاپسىرىس بەرۋ كامپانياسى جۇزەگە اسىرىلىپ، استانا  ەكسپو-2017 حالىقارالىق ماماندارىلعان كورمەنى ۇيىمداستىرۋعا قۇقىق بەرەتىن بايقاۋعا قاتىستى.

“The Qazaq Times”