قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقپاراتىنشا، كەدەن جانە سالىق سالاسىندا جەمقورلىق ازايار ەمەس. بۇل تۋرالى ۆەدومستۆو باسشىسىنىڭ ورىنباسارى اليك شپەكباەۆ مالىمدەدى.
ونىڭ سوزىنشە، 2016 جىلى 61 جەمقورلىق قىلمىس جاسالسا، 2017 جىلدىڭ ءبىرىنشى توقسانىندا-اق جەمقورلىققا قاتىستى 58 فاكت تىركەلگەن. بۇل وتكەن جىلدىڭ سايكەس كەزەڭىمەن سالىستىرعاندا 81%-عا جوعارى.
"قۇقىقتىق ستاتيستيكاعا سايكەس، 2016 جىلى جاۋاپقا تارتىلعان ورتالىق ورگاندار اراسىندا - قارجى مينيسترلىگى ەكىنشى ورىندا. اسىرەسە ۆەدومستۆو قۇرامىنداعى مەملەكەتتىك كىرىس ورگاندارىنىڭ ۇلەسى - 86%. سوندىقتان قارجى مينيسترلىگىنەن وسىعان ءمان بەرۋىن سۇرايمىز. مىسالى 2016 جىلى مەملەكەتتىك كىرىس ورگاندارىنان ءبىر قىزمەتكەر جاۋاپقا تارتىلسا، 2017 جىلدىڭ 1 توقسانىندا بىردەن ءۇش ادامعا جەتتى", - دەيدى ول.
شپەكباەۆتىڭ سوزىنشە، 2016 جىلى مەملەكەتتىك قىزمەت كورسەتۋ ساپاسىن تەكسەرۋ كەزىندە وسى سالادا 2 مىڭعا جۋىق زاڭ بۇزۋشىلىق انىقتالعان.
"قارجى مينيسترلىگى تاراپى ءبىز جىبەرگەن جەمقورلىق فاكتىلەرىنە قاتىستى ەسكەرتۋىمىزگە اسا ءمان بەرىپ وتىرعان جوق. اگەنتتىك ارقىلى ۆەدومستۆوعا جەمقورلىق تاۋەكەلدەرىن ورىنداۋ ءۇشىن 15 ۇسىنىس جاسالدى. ونىڭ تەك بەسەۋى ورىندالدى. مەن ماسەلەلەردى تاعى ءبىر قاراۋدى ۇسىنامىن. ەگەر ولاردىڭ تاراپىنان ەشبىر ارەكەت جاسالماسا پرەزيدەنت اكىشىلىگىنىڭ ادەپ جونىندەگى كوميسسياسىنا جەتەكشىلەرگە قاتىستى قاجەتتى شارالاردى قولدانۋ تۋرالى ءوتىنىش جىبەرىلەدى", - دەپ اتاپ ءوتتى اگەنتتىك وكىلى.
سونداي-اق، اليك شپەكباەۆتىڭ سوزىنشە، قارجى مينيسترلىگى ۇكىمەت تاراپىنان بەكىتىلگەن جەمقورلىققا قارسى شارالاردى دا تولىق ورىنداماعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى