توقاەۆ: «قازاقستان ەكونوميكاسىنا رەفورما قاجەت»

ۇكىمەتتىڭ كەڭەيتىلگەن وتىرىسىندا قازاقستان پرەزيدەنتى قاسىم-جومارت توقاەۆ ەكونوميكانى رەفورمالاۋدى ۇسىندى.

پرەزيدەنت سوزىندە: «رەفورمالاردىڭ جۇزەگە اسىرىلۋ قارقىنى باياۋلاعانىن مويىنداۋ كەرەك. حالىقارالىق جانە وتاندىق ساراپشىلار وسىنداي تۇجىرىمعا كەلگەن.  سوندىقتان قازاقستان ەكونوميكاسىنا تەرەڭ رەفورما جاساۋعا باعىتتالعان باعدارلاما ازىرلەۋ ماڭىزدى. بىزگە پروبلەمالاردى ناقتى انىقتاۋعا جانە ولاردى شەشۋگە مۇمكىندىك بەرەتىن جاڭا ەكونوميكالىق باعىت كەرەك. رەفورمالاردى ىسكە اسىرۋ ءۇشىن ەڭ الدىمەن جىگەر كەرەك. ۇكىمەت وسى قاسيەتتى كورسەتەدى دەپ ويلايمىن. باسقا جول جوق. ويتكەنى ۋاقىتىمىز دا جوق»، – دەدى.

«بۇگىنگى تاڭدا قۇرىلىس، ساۋدا جانە كولىك سالالارىندا جاقسى ءوسىم تىركەلگەن. دەگەنمەن، ەڭبەك ونىمدىلىگىنىڭ تومەن بولۋى باستى پروبلەمالاردىڭ ءبىرى» دەگەن پرەزيدەنت ەكونوميكالىق ءوسىمنىڭ ساپاسىن ارتتىرۋ ءۇشىن سالالىق پروبلەمالاردى شەشۋدى جالعاستىرۋ كەرەكتىگىن ايتتى.

"The Qazaq Times"