Resey men Qıtay 17-23 qazan aralığında birlesken kruizdi jüzege asırdı. Foto: VOA

Qıtay men Reseydiñ Qorğanıs ministrlikteri bir uaqıtta mälimdeme jasap, Resey jäne Qıtay äskeri teñiz küşteri Tınıq mwhittıñ batısındağı Japoniyağa jaqın aydında alğaş ret  birlesken barlau äreketin jürgizgenin mälimdedi.

Taraptardıñ resmi mälimetterinde körsetilgendey, eki el arasındağı alğaş ret ötkizilgen kruizdi jüzege asıru üşin 10 äskeri keme men tasımaldauşı kemelerden wşatın 6 tik wşaq qatıstırğan. Eki eldiñ äskeri teñiz küşterinen qwralğan birikken qwram Japon teñizi, Tınıq mwhittıñ batısı men Şığıs Qıtay teñizinde ortaq operaciyalardı jüzege asırğan.

Kezekti birikken teñiz barlau operaciyasınan bwrın Resey men Qıtay teñiz küşteri «Petr şığanağında» «Teñiz üsti ıntımaqtastığı – 2021» dep atalatın auqımdı äskeri jattığu ötkizgen bolatın. Oğan da eki eldiñ ozıq äskeri tehnikaları tartılğan edi.

Mäskeu men Beyjiñniñ Tınıq mwhit aymağındağı qorğanıs ıntımaqtastığınıñ damuı AQŞ pen onıñ aymaqtağı odaqtastarınıñ äreketterine qarsı jauap retinde jasalğanı belgili. Resey-Qıtay teñiz küşteriniñ ıntımaqtastığı artqan sayın AQŞ, Japoniya, Oñtüstik Koreya, Australiya jäne Ündistan sekildi odaqtastar men serikterdiñ alañdauşılığı küşeyip keledi. Qazir keybir strategter Aq üy men Pentagonğa, Kongreske Beyjiñ men Mäskeudiñ Tınıq mwhittağı ıntımaqtastığına qatıstı eskertu jasap, äserlerine dayın boluğa şaqıruda.

The Qazaq Times