قىتاي مەن رەسەيدىڭ قورعانىس مينيسترلىكتەرى ءبىر ۋاقىتتا مالىمدەمە جاساپ، رەسەي جانە قىتاي اسكەري تەڭىز كۇشتەرى تىنىق مۇحيتتىڭ باتىسىنداعى جاپونياعا جاقىن ايدىندا العاش رەت بىرلەسكەن بارلاۋ ارەكەتىن جۇرگىزگەنىن مالىمدەدى.
تاراپتاردىڭ رەسمي مالىمەتتەرىندە كورسەتىلگەندەي، ەكى ەل اراسىنداعى العاش رەت وتكىزىلگەن كرۋيزدى جۇزەگە اسىرۋ ءۇشىن 10 اسكەري كەمە مەن تاسىمالداۋشى كەمەلەردەن ۇشاتىن 6 تىك ۇشاق قاتىستىرعان. ەكى ەلدىڭ اسكەري تەڭىز كۇشتەرىنەن قۇرالعان بىرىككەن قۇرام جاپون تەڭىزى، تىنىق مۇحيتتىڭ باتىسى مەن شىعىس قىتاي تەڭىزىندە ورتاق وپەراتسيالاردى جۇزەگە اسىرعان.
كەزەكتى بىرىككەن تەڭىز بارلاۋ وپەراتسياسىنان بۇرىن رەسەي مەن قىتاي تەڭىز كۇشتەرى «پەتر شىعاناعىندا» «تەڭىز ءۇستى ىنتىماقتاستىعى – 2021» دەپ اتالاتىن اۋقىمدى اسكەري جاتتىعۋ وتكىزگەن بولاتىن. وعان دا ەكى ەلدىڭ وزىق اسكەري تەحنيكالارى تارتىلعان ەدى.
ماسكەۋ مەن بەيجىڭنىڭ تىنىق مۇحيت ايماعىنداعى قورعانىس ىنتىماقتاستىعىنىڭ دامۋى اقش پەن ونىڭ ايماقتاعى وداقتاستارىنىڭ ارەكەتتەرىنە قارسى جاۋاپ رەتىندە جاسالعانى بەلگىلى. رەسەي-قىتاي تەڭىز كۇشتەرىنىڭ ىنتىماقتاستىعى ارتقان سايىن اقش، جاپونيا، وڭتۇستىك كورەيا، اۋستراليا جانە ءۇندىستان سەكىلدى وداقتاستار مەن سەرىكتەردىڭ الاڭداۋشىلىعى كۇشەيىپ كەلەدى. قازىر كەيبىر ستراتەگتەر اق ءۇي مەن پەنتاگونعا، كونگرەسكە بەيجىڭ مەن ماسكەۋدىڭ تىنىق مۇحيتتاعى ىنتىماقتاستىعىنا قاتىستى ەسكەرتۋ جاساپ، اسەرلەرىنە دايىن بولۋعا شاقىرۋدا.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى