Qazaqstan prezidenti Nwrswltan Nazarbaev jastardıñ saqal ösirip, qızdardıñ qara kiim kiip, beti-auzın twmşalauına zañmen tıyım saludı wsındı. Bwl turalı Nazarbaev Mwsılmandar dini basqarması ökilderimen kezdesuinde ayttı, degen prezidenttiñ baspasöz qızmetine silteme jasap "Ortalıq Aziya habar qızmeti" jazdı.
"Dini sauatsızdığınıñ nätijesinde jastarımız saqal qoyıp, şalbarınıñ balaqtarın qısqartıp tastaydı. Qara köylek kiip, beti-auzın twmşalağan qızdarımızdıñ qatarı köbeydi. Bwl bizdiñ dästürimizge de, halqımızğa da jat. Bwğan zañnamalıq deñgeyde tıyım salu mäselesin pısıqtau kerek. Qazaq qara kiimdi qaralı kezde ğana kiedi", – dep mälimdedi prezident Nazarbaev.
Memleket basşısı cifrlıq tehnologiyalar damığan däuirde Qazaqstan öziniñ wlttıq qwndılıqtarın, mädenieti men salt-dästürin saqtauğa tiis ekenin ayttı. Qajet bolsa, memleket Qazaqstan mwsılmandar dini basqarmasın qoldauğa äzir, dedi Nazarbaev.
Elbası Qazaqstan mwsılmandarı dästürli türde hanafi mazhabın wstanatının, islamnıñ osı bağıtınıñ negizin tüsindiruge maşıqtanğan mamandar dayarlau qajettigin atap ötti.
Qazaqstan biligi soñğı jıldarı elde islamnıñ vahhabizm jäne salafizm sekildi basqa da tarmaqtarınıñ ıqpalı küşeygenine alañdauşılıq bildirip keledi.
Video Serik Mambetovtıñ Youtube paraqşasınan alındı.
Talğar tragediyası: Qızılqayrattağı qılmısqa qatıstı jeti is qozğaldı
Talğardağı qandı oqiğa: İİM-ge joldanğan saual jäne qoğam kütken jauap
Talğarda tağı da qandı oqiğa. Policiyanıñ jauapsızdığı ma, jüyelik dağdarıs pa?
ORDA habarı, Aqorda reakciyası jäne Sadıqov isi: ne bolıp jatır, neni bayqadıq?
Sozbwydağa salınğan jeti tomdıq: Qazaqtıñ akademiyalıq tarihı qaşan jarıq köredi?
31 mamır: Wmıtılğan älde bilik ädeyi wmıttırğısı kelgen tarih pa?
