قازاقستان پرەزيدەنتى نۇرسۇلتان نازارباەۆ جاستاردىڭ ساقال ءوءسىرىپ، قىزداردىڭ قارا كيىم كيىپ، بەتى-اۋزىن تۇمشالاۋىنا زاڭمەن تىيىم سالۋدى ۇسىندى. بۇل تۋرالى نازارباەۆ مۇسىلماندار ءدىني باسقارماسى ءوكىلدەرىمەن كەزدەسۋىندە ايتتى، دەگەن پرەزيدەنتتىڭ باسپاسءوز قىزمەتىنە سىلتەمە جاساپ "ورتالىق ازيا حابار قىزمەتى" جازدى.

"ءدىني ساۋاتسىزدىعىنىڭ ناتيجەسىندە جاستارىمىز ساقال قويىپ، شالبارىنىڭ بالاقتارىن قىسقارتىپ تاستايدى. قارا كويلەك كيىپ، بەتى-اۋزىن تۇمشالاعان قىزدارىمىزدىڭ قاتارى كوبەيدى. بۇل ءبىزدىڭ داستۇرىمىزگە دە، حالقىمىزعا دا جات. بۇعان زاڭنامالىق دەڭگەيدە تىيىم سالۋ ماسەلەسىن پىسىقتاۋ كەرەك. قازاق قارا كيىمدى قارالى كەزدە عانا كيەدى", – دەپ مالىمدەدى پرەزيدەنت نازارباەۆ.

مەملەكەت باسشىسى تسيفرلىق تەحنولوگيالار دامىعان داۋىردە قازاقستان ءوزىنىڭ ۇلتتىق قۇندىلىقتارىن، مادەنيەتى مەن سالت-ءداستۇرىن ساقتاۋعا ءتيىس ەكەنىن ايتتى. قاجەت بولسا، مەملەكەت قازاقستان مۇسىلماندار ءدىني باسقارماسىن قولداۋعا ءازىر، دەدى نازارباەۆ.

ەلباسى قازاقستان مۇسىلماندارى ءداستۇرلى تۇردە حانافي مازحابىن ۇستاناتىنىن، يسلامنىڭ وسى باعىتىنىڭ نەگىزىن تۇسىندىرۋگە ماشىقتانعان ماماندار دايارلاۋ قاجەتتىگىن اتاپ ءوتتى.

قازاقستان بيلىگى سوڭعى جىلدارى ەلدە يسلامنىڭ ۆاححابيزم جانە سالافيزم سەكىلدى باسقا دا تارماقتارىنىڭ ىقپالى كۇشەيگەنىنە الاڭداۋشىلىق ءبىلدىرىپ كەلەدى.

"The Qazaq Times"

ۆيدەو سەريك مامبەتوۆتىڭ Youtube پاراقشاسىنان الىندى.