Astana LRT operatorı «City Transportation Systems» JŞS kompaniyası jalpı qwnı 1 milliard dollarlıq obligaciya şığaruğa jäne satuğa tender jariyaladı. Onı AQ «Halyk Global Markets» kompaniyası jeñip aldı.

Memlekettik satıp alular portalında jariyalanğan mälimet boyınşa, tamızdıñ 3-i küni Astana LRT operatorı «City Transportation Systems» JŞS «Halyk Global Markets» AQ kompaniyasımen qwndı qağazdar narığına obligaciya şığaruğa baylanıstı 537,3 million teñgege kelisimşartqa otırğan. Kelisim tikeley bir közden satıp alu arqılı jüzege asırılğan. Kelisimge säykes,  «Halyk Global Markets» AQ kompaniyası 2021 jıldıñ soñına deyin Qarjı ministrliginiñ kepildigimen jalpı qwnı 1 mlrd teñge bolatın obligaciyanı qwndı qağaz narığına şığaruı tiis.

"HALYK GLOBAL MARKETS" KİMGE TIESİLİ?

«Halyk Global Markets» AQ  «Halıq Bank Qazaqstan» AQ-nıñ enşiles kompaniyası. Al öz kezeginde «Halıq Bank» eks-prezident Nwrswltan Nazarbaevtıñ ortanşı qızı Dinara men onıñ küyeui Timur Qwlıbaevqa tiesili. Brokerlik qızmet türlerimen aynalısatın «Halyk Global Markets» AQ  1997 jılı tirkelgen.

"DENTOS QAZAQSTAN" JŞS 198 MILLIONNIÑ TENDERİN NE ÜŞİN ALDI?

2 tamızda «City Transportation Systems» JŞS «Dentos Qazaqstan» JŞS kompaniyasımen 198 million teñgelik kelisimşartqa otırğan. Kelisimşart boyınşa, «Dentos Qazaqstan» kelisimge qol qoyılğan uaqıttan bastap 13 apta işinde «City Transportation Systems» JŞS kompaniyasına obligaciyalardı London nemese Irlandiya qor birjasına jäne Halıqaralıq Astana qarjı ortalığına şığaruda qwqıqtıq keñes berui qajet. Bwl memlekettik satıp alu da tikeley bir közden satıp alu arqılı ötken. Uchet.kz servisindegi derekterge qarağanda, «Dentos Qazaqstan» JŞS 1994 jılı tirkelgen. Advokattıq qızmet türlerin wsınadı. Bir qızığı uchet.kz-te kompaniya memlekettik satıp alularğa qatıspaydı dep körsetilgen.

«City Transportation Systems» JŞS Astana LRT-nı ayaqtau üşin daulı nısanğa 1 mlrd dollar investiciya tartu üşin kelisimşart jasap qana qoymay, qwrılıstıñ qayta jandanuınıñ qwrmetine BAQ ökilderin şaqırıp, qoy soyıp, qwrbandıq şalıp, imamğa dwğa tiletken. Biraq el arasında «jemqorlıq simvolı» atanıp ketken daulı nısanğa investiciya tartu mäselesi osımen şeşile me?

Aşıq derekközderde jariyalanğan mälimetke säykes, memleket LRT qwrılısına 252 mlrd teñge qarjı jwmsağan. 2019 jılı LRT şığını - 78 mlrd, borışkerler aldındağı qarızı - 185 mlrd teñge bolğan. 2020 jılı bwl körsetkiş birneşe millionğa ösip, şığındar – 105 mlrd, borışkerler qarızı – 206 mlrd teñgege jetken. 2020 jılı byudjetti paydalanudı baqılau boyınşa esep komiteti ükimet pen elorda äkimdigin Astana LRT qwrılısın ayaqtau qanşalıqtı tiimdi ekendigin egjey-tegjeyli qarauğa keñes bergen. Vedomstva qwrılıs jalğasqan jağdayda onıñ şığını köp bolatının jäne aldağı uaqıtta nısan paydalanuğa berilgen künniñ özinde öz-özin aqtamaytının eskertken.

Körnekilik üşin.

Daulı nısanğa investorlar osınıñ barlığına qaramastan qarjı sala ma, joq pa belgisiz. Biraq däl qazirgi jağdayda investor tartudıñ birden bir jolı qwndı qağazdar boyınşa joğarı payızdıq mölşerleme wsınu. Aldağı uaqıtta payızdıq mölşerleme qanşa ekenin jäne daulı nısanğa qarjı saluğa kimderdiñ keliskenin biletin bolamız. «The Qazaq Times»  redakciyası bwl mäseleni aldağı uaqıtta da nazarda wstaytın boladı.

Astana LRT töñireginde jemqorlıq dauına qatıstı sot procesi 2021 jıldıñ 28 mamırında ayaqtalğan. 5,8 mlrd teñge qarjı jımqırdı dep ayıptalğan 7 ayıptaluşınıñ jeteui de kinäli dep tanılıp, 7 jıldan 10 jılğa deyin sottalğan.

Kestede "Astana LRT" isi boyınşa sottalğandar tizimi körsetilgen.

Kontent AQŞ damu agenttigi (USAID) arqılı amerika halqınıñ kömegimen "MediaCAMP – Ortalıq Aziya bağdarlaması" ayasında dayındaldı. (Wjımnıñ atı) aqparattıñ mazmwnına tikeley jauaptı jəne aqparat USAID-tıñ nemese AQŞ ükimetiniñ, sonımen qatar Internews wstanımına say kelmeui mümkin.

"The Qazaq Times"