Qajımwrat Üsenov pen Müsilim Ömiryaev.

Korrupciya üşin ayıptalğan «Astana EKSPO-2017» kompaniyasınıñ bwrınğı top-menedjeri Qajımwrat Üsenov raqımşılıqqa ilinip, bostandıqqa şıqqan. Bwl jöninde jergilikti aqparat qwraldarına siltememe jasap "Ortalıq Aziya habar qızmeti" jazdı. 

2016 jıldıñ mausımında sot onı qızmetin asıra paydalanıp, memleket mülkin jımqırdı degen ayıppen eki jılğa bas bostandığınan ayırğan. İİM qılmıstıq-atqaru jüyesi komiteti Üsenovtiñ bostandıqqa şıqqanın rastadı.

Qajımwrat Üsenov «Astana EKSPO-2017» kompaniyasındağı korrupciya isi boyınşa ayıptarın moyındağanı üşin, olarğa qatıstı bölek qılmıstıq is qozğalğan 12 adamnıñ biri.

Sonımen birge Auıl şaruaşılığınıñ bwrınğı vice-ministri Müslim Ömiryaevtiñ de raqımşılıqqa ilingeni habarlanadı. Ol 2014 jıldıñ küzinde 10 jılğa sottalğan. Sot oğan iri kölemde para aldı, tender kezinde jeke käsipkerlerdiñ müddesin qorğadı degen ayıppen ükim şığarğan. Ömiryaev özine tağılğan ayıptardı moyındamadı.

Qazaqstanda raqımşılıq täuelsizdiktiñ 25 jıldığına oray jürgizilip jatır. Onda auır qılmıs jasağanı üşin sottalğandardı da bostandıqqa şığaru qarastırılğan.

“The Qazaq Times”