Foto: tengrinews.kz

Astanada 7 mamır küni äskeri paradqa qatısatın paradtıq eseptoptar men äskeri tehnikanıñ jattıqtıruı ötude. Qazaqstan Qarulı Küşteriniñ 25 jıldığına arnalğan şaranıñ mañızdılığın jete tüsine otırıp, äskeri qızmetşiler kün sayın dayındıqtarın pısıqtauda dep habarladı Qazaqstan Qarulı Küşteriniñ resmi saytı.

Paradqa qatısuşılardıñ jattığuları kün sayın ötkiziledi. Sonday-aq, äskeri tehnikanı josparlı tekseru jäne tehnikalıq qızmet körsetu jürip jatır.

Elimizdiñ ärtürli öñirinen kelgen äskeri qızmetşiler palatkalı qalaşıqqa jayğasıp, äskeri tehnika wrıs maşinalarınıñ arnayı dalalıq parkinde ornalastırıldı. Dalalıq lager'de jeke qwramğa arnalğan barlıq qajetti jağday jasalğan. Atap aytqanda, twruğa arnalğan palatkalar, medicinalıq punktter, tamaqtanu punktteri jäne dalalıq monşa. Dalalıq qalaşıqtıñ aumağında bos uaqıttı wyımdastıru üşin jıljımalı aqparattıq keşen jwmıs isteude. Odan basqa, demalıs künderi äskeri qızmetşilerdiñ elordanıñ mädeni nısandarı men körikti jerlerine aralau qarastırılğan.

Astanada ötetin paradqa bir ayğa jetpeytin uaqıt qaldı. Tartılatın jeke qwram men äskeri tehnikanıñ rekordtıq sanınan basqa, aldağı ötetin paradtıñ erekşelikteriniñ biri alañda äskeri-tehnikalıq mektepterdiñ avtomobil'di tehnikasında Qazaqstan Qarulı Küşteri ardagerleri, «Jas wlan» tört äskeri mektep pen äskeri-patriottıq klubtardıñ tärbielenuşileri jäne Qorğanıs ministrligi äskeri-tehnikalıq mektepteriniñ oquşıları jürip ötedi. Sonday-aq, aumaqtıq qorğanıs brigadaları qwrama rotası qatısadı.

“The Qazaq Times”