Körneki suret. 17 emhananıñ qasbeti. Almatı qalası. 28 säuir 2021 jıl. Foto: QT / Kültegin Aspanwlı

Almatı qalasınıñ äkimdigi  keybir aqparat qwraldarınada jariyalanğan «vakcinaciya pasporttın satu jönindegi jaña biznes» turalı derekti joqqa şığardı.

Qoğamdıq densaulıq basqarması «mwnday is-ärekettiñ qılmıstıq sipatta ekenin jäne zañmen qudalanatının» resmi türde habarlaydı. Osı material boyınşa arnayı qızmettik tergeu jwmısı bastalğan.

Qazirgi uaqıtta vakcinaciyadan ötkendigi turalı elektrondıq pasporttı beru faktisi rastalmadı.

Äkimdik mälimetinşe, barlıq medicinalıq wyımdar men REDO-nıñ aqparattıq jüyesi jiti tekserilip jatır. Bwl aqparat rastalğan jağdayda, tergeu materialdı  tiisti şara qoldanu maqsatında zañğa säykes qwqıq qorğau organdarına berilmek. Basqarma ökili qızmettik tergeu barısı turalı aqparat keyinnen tolıqtıruğa uäde etti.

Vakcina aluğa kelgen azamattardı tirkeu bölimi. 17 emhana. Almatı qalası. 28 säuir 2021 jıl. Foto: QT / Kültegin Aspanwlı

Almatıdağı epidahual

Elu kündey «qızıl aymaqta» twrğan qalada säuir ayındağı auruşañdıq twtas naurızdağı esepke qarağanda eselep östi (naurız ayı – 9631, 1-27 säuir – 18 017 nauqas). Qalada seysenbi küni 700-dey sırqat anıqtaldı. Onıñ 619-ında simptomdıq belgileri bar, 76-ı simptomsız.

Qoğamdıq densaulıq saqtau basqarmasınıñ mälimetinşe, ötken täulikte 398 adam auruhanağa jatqızılğan jäne 460 adam üyine jiberilgen. Jalpı qalada 5502 adam ambulatorlıq deñgeyde emdelude jäne sıyımdılığı 6060 orın bolatın infekciyalıq stacionarlarda 3734 adam jatır. Olardıñ arasında jağdayı jeñil äri orta deñgeyde 125 bala bar. Bwdan özge auruhandağı eresekterdiñ 900-deyi auır jäne 3118-i orta hälde. Al reanimaciya jäne qarqındı terapiya bölimderinde 246 nauqas bar. 38 adam ÖJJ, 85 nauqas invazivti emes ÖJJ-ımen jäne 89 sırqat High flow apparatımen tınıstap jatır.

Resmi derekke qarağanda, jalpıhalıqtıq vakcinaciyalau nauqanı bastalğalı, yağni 1 aqpannan beri megapoliste 194 mıñ adam ekpe alğan. Äkimdik mälimetinşe, äzirge 210 egu punkti men 309 egu brigadasında 1197 medqızmetker jwmıs isteydi.

Bıltır birinşi tolqında – «mausım-şilde qırğınında» 6372, qazan ayında jürgen ekinşi tolqında 3607 jäne biıl köktemgi üşinşi tolqında äzirge 27 648 jağday tirkeldi.

Almatıda pandemiya kezinde koronavirus pen pnevmoniya sırqattarınıñ qatarı 58 mıñğa jetti. Mwnıñ 47.5%-ı, yağni 27 mıñ adam osı köktemde tirkelgen. Ökinişke qaray, keyingi eki ayda 333 almatılıq köz jwmğan.

“The Qazaq Times”