Qazaqstandağı AQŞ elşisi U.Mozer. Foto: Aşıq derekközden

Qazaqstanğa koronavirusqa qarsı amerikalıq vakcinalardı, sonıñ işinde Pfizer önimderin jetkizuge mümkindik bar. Bwl turalı bügin Qazaqstandağı AQŞ elşiligi wyımdastırğan onlayn döñgelek üstelde elşi Uil'yam Mozer ayttı.

Ol Qazaqstanğa Pfizer vakcinaların jetkizu boyınşa kelissözderden beyhabar, biraq jetkizuge mükindik bar ekenin ayttı.

"Men Qazaqstannıñ amerikalıq vakcinalardı satıp alu mümkindigi bar ekenin bilemin. Ärine, AQŞ jaqtauşısı retinde Qazaqstannıñ bizdiñ vakcinalardı satıp alğanın qalar edim. Sebebi men olardı tiimdi jäne öte jaqsı vakcinalar dep oylaymın. Meniñşe, jetkizu mümkindigi bar. Biraq bwl - öte kürdeli tehnikalıq jäne kommerciyalıq mäsele. Men naqtı ayta almaymın. Meniñ oyımşa, AQŞ-ta bizdiñ azamattarımızdı qamtu üşin vakcinalar jetkilikti" dedi Mozer.

Pfizer – kornavirusqa qarsı vakcinalardıñ arasınan qanday da bir nätije körsetken alğaşqı ekpe. Älemniñ birqatar memleketi amerikalıq osı vakcinanı saldırıp jatır.

Qazaqstan 2 aqpannan bastap reseylik "Sputnik V" ekpesin sala bastağan. Bwl vakcina qazir Resey men Qazaqstannan bölek Argentina, Vengriya, Venesuela, BAÄ, Türkimenstan, Iranda da salınıp jatır. "Sputnik V" ekpesi eki dozadan twradı. Ekinşi dozanı 21 künnen keyin salu kerek. Densaulıq saqtau ministrliginiñ mälimetinşe, 733 980 adam (halıqtıñ 3,9 payızı) koronavirusqa qarsı vakcinanıñ birinşi dozasın alğan.  Bwdan bölek, elde tağı bir vacina sınaqtan ötip jatır. Atauı QazCovid-in-nan QazVac-qa özgergen qazaqstandıq vakcina qazir sınaqtıñ üşinşi kezeñinde. Onı qazaqstandıq ğalımdar Jambıl oblısında dayındap jatır.

"The Qazaq Times"