قازاقستانعا كوروناۆيرۋسقا قارسى امەريكالىق ۆاكتسينالاردى، سونىڭ ىشىندە Pfizer ونىمدەرىن جەتكىزۋگە مۇمكىندىك بار. بۇل تۋرالى بۇگىن قازاقستانداعى اقش ەلشىلىگى ۇيىمداستىرعان ونلاين دوڭگەلەك ۇستەلدە ەلشى ۋيليام موزەر ايتتى.
ول قازاقستانعا Pfizer ۆاكتسينالارىن جەتكىزۋ بويىنشا كەلىسسوزدەردەن بەيحابار، بىراق جەتكىزۋگە مۇكىندىك بار ەكەنىن ايتتى.
"مەن قازاقستاننىڭ امەريكالىق ۆاكتسينالاردى ساتىپ الۋ مۇمكىندىگى بار ەكەنىن بىلەمىن. ارينە، اقش جاقتاۋشىسى رەتىندە قازاقستاننىڭ ءبىزدىڭ ۆاكتسينالاردى ساتىپ العانىن قالار ەدىم. سەبەبى مەن ولاردى ءتيىمدى جانە وتە جاقسى ۆاكتسينالار دەپ ويلايمىن. مەنىڭشە، جەتكىزۋ مۇمكىندىگى بار. بىراق بۇل - وتە كۇردەلى تەحنيكالىق جانە كوممەرتسيالىق ماسەلە. مەن ناقتى ايتا المايمىن. مەنىڭ ويىمشا، اقش-تا ءبىزدىڭ ازاماتتارىمىزدى قامتۋ ءۇشىن ۆاكتسينالار جەتكىلىكتى" دەدى موزەر.
Pfizer – كورناۆيرۋسقا قارسى ۆاكتسينالاردىڭ اراسىنان قانداي دا ءبىر ناتيجە كورسەتكەن العاشقى ەكپە. الەمنىڭ بىرقاتار مەملەكەتى امەريكالىق وسى ۆاكتسينانى سالدىرىپ جاتىر.
قازاقستان 2 اقپاننان باستاپ رەسەيلىك "سپۋتنيك V" ەكپەسىن سالا باستاعان. بۇل ۆاكتسينا قازىر رەسەي مەن قازاقستاننان بولەك ارگەنتينا، ۆەنگريا، ۆەنەسۋەلا، ءباا، تۇركىمەنستان، يراندا دا سالىنىپ جاتىر. "سپۋتنيك V" ەكپەسى ەكى دوزادان تۇرادى. ەكىنشى دوزانى 21 كۇننەن كەيىن سالۋ كەرەك. دەنساۋلىق ساقتاۋ مينيسترلىگىنىڭ مالىمەتىنشە، 733 980 ادام (حالىقتىڭ 3,9 پايىزى) كوروناۆيرۋسقا قارسى ۆاكتسينانىڭ ءبىرىنشى دوزاسىن العان. بۇدان بولەك، ەلدە تاعى ءبىر ۆاتسينا سىناقتان ءوتىپ جاتىر. اتاۋى QazCovid-in-نان QazVac-قا وزگەرگەن قازاقستاندىق ۆاكتسينا قازىر سىناقتىڭ ءۇشىنشى كەزەڭىندە. ونى قازاقستاندىق عالىمدار جامبىل وبلىسىندا دايىنداپ جاتىر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟