Köktemde Almatı oblısındağı koronavirustan qaytıs bolğandardı jerleuge arnalğan arnayı zirat. 25 mamır 2020 jıl. Foto: Azattıq / Manas Qayırtaywlı

Qazan ayınıñ ortasınan beri eldegi epidemiya jağdayı kürdelene tüsti. Koronavirustıñ janama äseri, yağni ilespeli aurulardan 709 adam qaytıs bolğan, biraq olar jalpı statistikağa enbeydi. Densaulıq saqtau vice-ministri Ajar Ğiniyatqızı qanday mäseleni şeşuge uäde berdi?

Keyingi onkündikte PTR testi arqılı zerthanada rastalğan koronavirus jwqtırğan nauqastar kürt ösip, 400-diñ üstinde tirkelip jatır. Koronavirus pnevmoniyası da demalıs künderinen basqa kezde aytarlıqtay artqan.

Bügingi tañda 13 naurızdan bastap COVID-19 jwqtırğandar qatarı 117 mıñğa juıqtap, 1 tamızdan bergi koronavirus pnevmoniyası 39 mıñnan asqan. DDSW mälimetinşe, Qazaqstanda auırğandardıñ sanı 155 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi. Pandemiya bastalğalı jalpı virus jwqqandardıñ 3017-si (KVI+ / U07.1 – 1899, KVI- / U07.2 – 409, ilespe aurulardan – 709) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 672 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qazan ayınıñ  ortasında sol kezdegi Densaulıq saqtau ministrliginiñ resmi ökili qızmetinde bolğan «erikti» Bağdat Qojahmetov QT redakciyasınıñ qoyğan swrağına jalpı esepke kirmeytin  koronavirustıñ janama äserinen qaytıs bolğandardıñ sanı 672-ge jetkenin mälimdegen.

Vedomstvo wsınğan resmi deregi boyınşa KVI janama-ilespeli aurularınan qaytqandardıñ aylıq körsetkişi (respublika köleminde):

Mamır Mausım Şilde Tamız Qırküyek Qazannıñ alğaşqı jartısı

Jalpı
4 109 390 95 51 23 672

Densaulıq saqtau ministrliginiñ jedel derekteri resursı wsınğan är öñirdegi koronavirustıñ janama äserinen qaytıs bolğandar sanı:

№

 Qazaqstan Respublikası 672

1

 Aqmola

33

2

 Aqtöbe 4
3

Almatı

 42
4 Atırau

6
5

Batıs Qazaqstan

 39
6 Jambıl

57
7

Qarağandı

 72
8

Qostanay

 47
9 Qızılorda

73
10 Manğıstau

6
11

Pavlodar

 63
12

Soltüstik Qazaqstan

 50
13 Türkistan

18
14 Şığıs Qazaqstan

71
15

Astana

 42
16 Almatı q.

36
17 Şımkent q.

13

Aqparattıñ jañarmağanına bir ayğa juıqtadı. Redakciya jurnalisi densaulıq saqtau vice-ministri Ajar Ğiniyatqızınan swrap kördi.

«Bügingi tañda koronavirus jwqsa da janama-ilespeli aurulardan qaytıs bolğandar turalı 709 jağday bar. Bwl ölim jağdayın zerdeleytin komissiyanıñ qorıtındısı boyınşa naqtılanadı. Onıñ basşısı auruhana jetekşisiniñ orınbasarı tağayındaladı. Komissiya bizge joldağan mälimetti bizdiñ jüyege qalay tirkeydi, solay esepke alamız», – deydi vice-ministr Ğiniyatqızı.

  • Tınıs alu jüyesiniñ auruları – 332 (47%);
  • Qanaynalım jüyesiniñ auruları – 235 (34%);
  • Endokrindik jüyeniñ auruları, tamaqtanu jäne almasu bwzıluı – 34 jağday (5%);
  • Jaña öskinder – 32 jağday (5%);
  • Basqa jağdaylar – 76 jağday (9,0%).

Eñ köp ölim jağdayı Şığıs Qazaqstan oblısında – 83, Qarağandı oblısında – 74, Qızılorda oblısında – 73, Pavlodar oblısında – 67 jäne Jambıl oblısında – 58 jağday tirkelgen.

Ol komissiya tiisti derekti kündelikti ötkizbegendikten täulik sayın jariyalaudıñ reti kelmeytinin aytadı. Qazaq tilinde habar taratatın aqparat qwraldarımen erkin tildese alatın «dara kadr» Ğiniyatqızı atalğan aqparattı ayına bir ret jariyalaudı jolğa qoyuğa uäde berdi.

– Bizder mwnı qolğa alayıq. Aymaqtar boyınşa ayına bir ret jariyalap otıratın bolamız. Är öñirge hat joldaymız. On kün ne bir aptanıñ arasında saytqa jariyalanatın boladı, – dep söz berdi ol.

"The Qazaq Times"