كوكتەمدە الماتى وبلىسىنداعى كوروناۆيرۋستان قايتىس بولعانداردى جەرلەۋگە ارنالعان ارنايى زيرات. 25 مامىر 2020 جىل. فوتو: ازاتتىق / ماناس قايىرتايۇلى

قازان ايىنىڭ ورتاسىنان بەرى ەلدەگى ەپيدەميا جاعدايى كۇردەلەنە ءتۇستى. كوروناۆيرۋستىڭ جاناما اسەرى، ياعني ىلەسپەلى اۋرۋلاردان 709 ادام قايتىس بولعان، بىراق ولار جالپى ستاتيستيكاعا ەنبەيدى. دەنساۋلىق ساقتاۋ ۆيتسە-ءمينيسترى اجار عينياتقىزى قانداي ماسەلەنى شەشۋگە ۋادە بەردى؟

كەيىنگى ونكۇندىكتە پتر تەستى ارقىلى زەرتحانادا راستالعان كوروناۆيرۋس جۇقتىرعان ناۋقاستار كۇرت ءوسىپ، 400-ءدىڭ ۇستىندە تىركەلىپ جاتىر. كوروناۆيرۋس پنەۆمونياسى دا دەمالىس كۇندەرىنەن باسقا كەزدە ايتارلىقتاي ارتقان.

بۇگىنگى تاڭدا 13 ناۋرىزدان باستاپ COVID-19 جۇقتىرعاندار قاتارى 117 مىڭعا جۋىقتاپ، 1 تامىزدان بەرگى كوروناۆيرۋس پنەۆمونياسى 39 مىڭنان اسقان. ددسۇ مالىمەتىنشە، قازاقستاندا اۋىرعانداردىڭ سانى 155 مىڭعا جەتكەن. دەگەنمەن ۇكىمەت كوروناۆيرۋس پەن ونىڭ پنەۆمونياسىن ەكى بولەك ەسەپتەيدى. پاندەميا باستالعالى جالپى ۆيرۋس جۇققانداردىڭ 3017-ءسى (كۆي+ / U07.1 – 1899, كۆي- / U07.2 – 409, ىلەسپە اۋرۋلاردان – 709) قايتىس بولعان. الايدا قازاقستان بيلىگى بويىنان كوروناۆيرۋس تابىلسا دا، باسقا اۋرۋلاردىڭ سەبەبىنەن قايتىس بولدى دەلىنگەن 672 ادامدى جالپى ستاتيستيكاعا قوسىپ ەسەپتەمەيدى. ساراپشىلار بۇعان قارسى. ولاردىڭ ايتۋىنشا، كوروناۆيرۋستىڭ جاناما اسەرىنەن قايتقانداردىڭ جارتىسىنان استامىنىڭ سەبەبى قان اينالىمى جۇيەسىنىڭ اۋرۋلارى بولعاندىقتان، وعان ينفەكتسيا دەرت قوزدىرۋشى فاكتور رەتىندە ولىمگە اكەپ سوقتىرعان.

قازان ايىنىڭ  ورتاسىندا سول كەزدەگى دەنساۋلىق ساقتاۋ مينيسترلىگىنىڭ رەسمي وكىلى قىزمەتىندە بولعان «ەرىكتى» باعدات قوجاحمەتوۆ QT رەداكتسياسىنىڭ قويعان سۇراعىنا جالپى ەسەپكە كىرمەيتىن  كوروناۆيرۋستىڭ جاناما اسەرىنەن قايتىس بولعانداردىڭ سانى 672-گە جەتكەنىن مالىمدەگەن.

ۆەدومستۆو ۇسىنعان رەسمي دەرەگى بويىنشا كۆي جاناما-ىلەسپەلى اۋرۋلارىنان قايتقانداردىڭ ايلىق كورسەتكىشى (رەسپۋبليكا كولەمىندە):

مامىر ماۋسىم شىلدە تامىز قىركۇيەك قازاننىڭ العاشقى جارتىسى

جالپى
4 109 390 95 51 23 672

دەنساۋلىق ساقتاۋ مينيسترلىگىنىڭ جەدەل دەرەكتەرى رەسۋرسى ۇسىنعان ءار وڭىردەگى كوروناۆيرۋستىڭ جاناما اسەرىنەن قايتىس بولعاندار سانى:

№

 قازاقستان رەسپۋبليكاسى 672

1

 اقمولا

33

2

 اقتوبە 4
3

الماتى

 42
4 اتىراۋ

6
5

باتىس قازاقستان

 39
6 جامبىل

57
7

قاراعاندى

 72
8

قوستاناي

 47
9 قىزىلوردا

73
10 مانعىستاۋ

6
11

پاۆلودار

 63
12

سولتۇستiك قازاقستان

 50
13 تۇركىستان

18
14 شىعىس قازاقستان

71
15

استانا

 42
16 الماتى ق.

36
17 شىمكەنت ق.

13

اقپاراتتىڭ جاڭارماعانىنا ءبىر ايعا جۋىقتادى. رەداكتسيا ءجۋرناليسى دەنساۋلىق ساقتاۋ ۆيتسە-ءمينيسترى اجار عينياتقىزىنان سۇراپ كوردى.

«بۇگىنگى تاڭدا كوروناۆيرۋس جۇقسا دا جاناما-ىلەسپەلى اۋرۋلاردان قايتىس بولعاندار تۋرالى 709 جاعداي بار. بۇل ءولىم جاعدايىن زەردەلەيتىن كوميسسيانىڭ قورىتىندىسى بويىنشا ناقتىلانادى. ونىڭ باسشىسى اۋرۋحانا جەتەكشىسىنىڭ ورىنباسارى تاعايىندالادى. كوميسسيا بىزگە جولداعان مالىمەتتى ءبىزدىڭ جۇيەگە قالاي تىركەيدى، سولاي ەسەپكە الامىز»، – دەيدى ۆيتسە-مينيستر عينياتقىزى.

  • تىنىس الۋ جۇيەسىنىڭ اۋرۋلارى – 332 (47%);
  • قاناينالىم جۇيەسىنىڭ اۋرۋلارى – 235 (34%);
  • ەندوكريندىك جۇيەنىڭ اۋرۋلارى، تاماقتانۋ جانە الماسۋ بۇزىلۋى – 34 جاعداي (5%);
  • جاڭا وسكىندەر – 32 جاعداي (5%);
  • باسقا جاعدايلار – 76 جاعداي (9,0%).

ەڭ كوپ ءولىم جاعدايى شىعىس قازاقستان وبلىسىندا – 83, قاراعاندى وبلىسىندا – 74, قىزىلوردا وبلىسىندا – 73, پاۆلودار وبلىسىندا – 67 جانە جامبىل وبلىسىندا – 58 جاعداي تىركەلگەن.

ول كوميسسيا ءتيىستى دەرەكتى كۇندەلىكتى وتكىزبەگەندىكتەن تاۋلىك سايىن جاريالاۋدىڭ رەتى كەلمەيتىنىن ايتادى. قازاق تىلىندە حابار تاراتاتىن اقپارات قۇرالدارىمەن ەركىن تىلدەسە الاتىن «دارا كادر» عينياتقىزى اتالعان اقپاراتتى ايىنا ءبىر رەت جاريالاۋدى جولعا قويۋعا ۋادە بەردى.

– بىزدەر مۇنى قولعا الايىق. ايماقتار بويىنشا ايىنا ءبىر رەت جاريالاپ وتىراتىن بولامىز. ءار وڭىرگە حات جولدايمىز. ون كۇن نە ءبىر اپتانىڭ اراسىندا سايتقا جاريالاناتىن بولادى، – دەپ ءسوز بەردى ول.

"The Qazaq Times"